Zemërohet pse u ndalua dinari në Kosovë, por Vuçiç i shpreh në euro ndihmat për serbët!

Sot në dalje publike Presidenti i Serbisë, Aleksandar Vuçiç, nuk ishte e qartë nëse ishte më shumë i zemëruar për ndalimin e Dinarit serb në Kosovës apo për Zyrat e strukturave paralele të Pejës, Istogut dhe Klinës, që u mbyllën soot.

Gjithsesi, ai reagoi ashpër ndaj vendimit Bankës Qendrore të Kosovës, që ai e cilësoi vendim të Albin Kurtit, për Euron si mjeti i vetëm i pagesës edhe i shitblerjes i në Republikën e Kosovës, që shteti serb e konsideron si vendim për ndalimin e Dinarit, ndonëse ndihmat që i kishte dedikuar për serbët që jetojnë atje i shprehu vetë në Euro.

Edhe pse ishte ngazëllyer për reagimin e ndërkmbëtarve në mbështetje të Serbisë, heqjen e dinarit në Kosovë e cilësoi si sulm ndaj të gjitha marrëveshjeve të nënshkruara, por harroi se asnjërin prej tyre nuk po i zbaton, dhe rasti i fundit është ai për mbylljen e strukturave paralele.

Sot Presidenti i Serbisë i cilësoi si sulme të enklavave serbe mbylljen e Zyrave të strukturave paralele dhe spastrim etnik nga ana e Policisë së Kosovës, por ajo që ndodhi në Gorazhdec, Osojane dhe Vidane nuk është asgjë më shumë se mbyllje e Zyrave paralele të Serbisë për komunat e Pejës, Istogut dhe Klinës, dhe heqjen e simboleve të shtetit serb.

Dhe, ajo që ishte krim dhe Vuçiç nuk e përmendi sot ishte akti kriminal në Zubin Potok ku në godinën e komunës u hoq tabela e shtetit të Kosovës!

Ç’kërkon tabela e shtetit të Kosovës në Zubin Potok këtë nuk e konsiderojnë absurde vetëm serbët lokalë, por edhe mësuesi i tyre patrotik Aleksandar Vuçiç që mendon ta instaloj Asociacionin në ato “enklava” që i ka spastruar jo vetëm etnikisht por dhe nga çdo simbol shtetëror i, siç thotë ky kriminel serb, Albin Kurtit.

Por, ja që më Vuçiç nuk gjenë dot Kryeministër të Kosovës që mund të tallet, dhe një Bankë Qendrore që ka rregulloren e saj dhe që nuk merr vendim kundër asnjë shteti ose monedhe, por mbronë politikën monetare të Kosovës pavarësisht se çfarë mendon një i sëmurë psiqik në serbi për Euron ose Dinarin.

“Në katër komunat në veri janë katër degë të bankave dhe janë 15 institucione financiare jobankare ku do të mund të dërgohen dërgesat e pagesat dhe ku do të mund të merren të gjitha ato në euro. Euroja është valutë që na vjen nga BE. Ne nuk jemi duke i thënë askujt merre valutën Lekë të Shqipërisë apo një valutë të re Dardan të Kosovës, por Euron. Euro si mjeti i vetëm i pagesës edhe i shitblerjes i përcaktuar në mënyrë të qartë në Republikën e Kosovës nuk është një çështje e negociueshme,” ishte i qartë dje Albin Kurti, por sot Aleksandar Vuçiç këtë e konsideron spastrim etnik ndërsa do të kërkojë zgjidhje se si t’i dërgojë paratë për serbët në Kosovë.

Duke fol për fondet që ndan Serbia, Vuçiç tha se ka 31.831 të punësuar në Kosovë, 29.115 pensionistë prej të cilëve 4.700 i marrin pensionet në dorë, dhe 31.586 shfrytëzues të ndihmës sociale. E meqë doli për të vajtuar serbët e Kosovës, shfrytëzoi rastin për pak reklamë shtetërore, dhe çuditërisht e shprehu në Euro:

“Do fillojmë me pagesën e ndihmave për njerëzit me sëmundje të rralla. 25.000 dinarëve për personat me sëmundje të rralla u kemi shtuar për ilaçe 35.000 dinarë, dhe për rehabilitim 50.000 dinarë. Kjo është rreth 1.000 Euro,” tha Aleksandar Vuçiç në Serbi aty ku Kryeministër nuk është Albin Kurti, madje shprehu edhe investimet e reja në Shëndetësi në vlerë prej 400 milionë Euro!

Dhe, për gjithë këtë ngatërresë që krijoi për 3-4 ditë ndër ndëkombëtar dhe kokat e serbëve të Kosovës që ndryshe nga Vuçiçi pa pengesë po përdorin Euron si mjet pagese, sot ai paralajmëroi se të hënën do të dorëzoj dhe një kërkesë për mbledhje të Këshillit të Sigurimit të OKB, pse Albin Kurti e detyroi ta përdor Euron në Kosovë; Sepse në Serbi po e përdor vullnetarisht, përveç ditës së sotme edhe në raportet për ryshfet dhe korrupsion, ku autoritetet serbe vazhdojnë ti shprehin në Euro!