Zgjatja e koncesionit të Aeroportit të Rinasit, Meta e kthen: Antikushtetues!
Presidenti i Republikës, Ilir Meta, ka sqaruar sot pse ka kthyer Ligjin i cili i zgjat afatin e koncesionit të Aeroportit “Nënë Tereza” për 13 vjet. Ligjin e cilësoi si shkelje flagrante të Kushtetutës ndërsa dha detajet mbi të gjitha hapat që bëri Edi Rama për ti dhënë koncesionin mikut të tij Qet Kastrati.
“Kuvendi ka ndryshuar marrëveshjen e koncensionit të Aeroportit Ndërkombëtar Nënë Tereza. Ky ligj ka nivelin më të lartë të antikushtetueshmërisë, por edhe të korrupsionit legjislativ në qeverinë dhe në kuvendin tonë një partiak. Ky ligj është në kundërshtim me rregullat dhe interesat e shtetit shqiptar, prandaj edhe kontrata shtesë e koncensionarit është mbajtur e fshehrtë. Kjo është skandaloze dhe antiligjore.
Po bëj publike disa elementë të kësaj marrëveshje: Ligji kaloi në 27 janar 2021 në Kuvend nga Qeveria dhe po në atë datë e ka futur Konferenca e Kryetarëve edhe pse nuk u kërkua procedurë e përshpejtuar. Marrëveshja u nënshkrua në Kamëz në 26 janar. Qeverisë iu desh vetëm një ditë që ta firmosë e propozojë Kuvendit për miratim. Ndërkohë që Kuvendi e ka shqyrtuar në komisione në 4 shkurt dhe miruatuar në Kuvend në 8 shkurt. Gjithçka u bë pa asnjë lloj gare,” tha Ilir Meta duke publikuar dhe komunikimin që kishte me Ministrinë e Financave për këtë çështje ku një shkresë udhëtoi plotë 8 detë nga ministria në Presidencë.
Kur u pyet për vlerësimin që Departamenti Amerikan i Shtetit i bëri Ardian Dvoranin si kampion të luftës kundër korrupsionit, Presidentit Ilir Meta u pa qartë se i kishte penguar vetëm ekzaltimi i Kryeministrit Edi Rama meqë DASH ngelet DASH:
“Meqë dje kryeministri nxori një fletë lavdërimi për sukseset e tij, që kjo mua nuk më habit, përpjekja e tij për t’u vetëlavdëruar dhe i Ramaformës, kjo është kapja e shtetit, kjo është SHPK. Në një ditë e patë çfarë ka ndodhur, më 26 ka ndodhur marrëveshja në Kamëz, në 27 e ka miratuar qeveria në Kuvend. Pse nuk është ky nxitim për të nxjerrë tre borëpastruese? Këto janë si fletët e lavdërimit që merrte Partia e Punës, ndërkohë që vdisnin për bukë njerëzit në Shqipëri, si ai çmimi i Meksikës, e mbani mend. Ja ku janë letrat e marrëveshjes. Pse ky nxitim për të bërë një ligj të veçantë për të shkelur Kushtetutën? Vijnë tërë natën punojnë, vijnë me urgjencë, mbledhin kuvendin me urgjencë. Sa mirë të ishte ky reagimi kaq i shpejtë, kur ra tërmeti.”
