Zgjedhja e kreut të ri të BKH, SPAK shtyn nisjen e procedurës

Struktura e Posaçme Kundër Korrupsionit dhe Krimit të Organizuar, SPAK, ka shtyrë deri ditën e martë, më 24 qershor, afatin për nisjen e procedurave për zgjedhjen e kreut të ri të Byrosë Kombëtare të Hetimit, BKH.

Shkak për këtë shtyrje është bërë mosdorëzimi i dokumentacionit të plotë nga pjesa më e madhe e kandidatëve.

Nga 13 aplikantë gjithsej, vetëm 2 kanë dorëzuar dokumentacionin e kërkuar në mënyrë të rregullt. Për 11 kandidatët e tjerë, faza e parë e shqyrtimit nuk mund të nisë pa plotësimin e dokumenteve të nevojshme.

Në mesin e kandidatëve që synojnë drejtimin e BKH-së janë emra të njohur nga rendi dhe drejtësia, përfshirë Ish-Drejtorët e Përgjithshëm të Policisë së Shtetit, Haki Çako dhe Gledis Nano, Zv/Drejtori aktual i BKH-së, Joni Keta, si dhe prokurori Andi Pogace.