Zgjedhja e presidentit, Alibeaj: Detyrim i opozitës, të mos bojkotoj procesin!

Pas mbledhjes së deputetëve të Lulzim Bashës, Enkelejd Alibeaj, nuk tha nëse do të ketë kandidat për randin e tretë por e bëri të qartë se është e rëndësishme që të mos bojkotohet procesi për zgjedhjen e Presidentit të Republikës.

“Asnjë të re s’kishte në diskutimet e kolegëve, përveç faktit që u theksuar që opozita në proces, siç e kemi thënë në fillim, për të bërë detyrën tonë qytetare, morale, do të marrim pjesë në proces që të jetë gjithëpërfshirës. Presidenti i Republikës kështu e do. Të jetë transparent. Duhet të jetë i njohur nga të gjithë dhe proces serioz, me kontributet e të gjitha palëve. Për këtë arsye pavarësisht skepticizmit, sulmeve, të pavërtetave që janë thënë është detyrim i opozitës që në një proces të rëndësishëm të mos bojkotonte. Të mos shmangej. Është një sfidë e vogël politike që opozita duhet t’i ketë përballë,” u shpreh Enkelejd Alibeaj duke përsëritur se mazhoranca kurrë nuk i ka 71 vota.

Me këtë rast ai bëri të ditur se gjatë kësaj mbledhje u plotësuan emrat e anëtarëve që do të jenë pjesë në dy Komisionet, Territoriale dhe atë Zgjedhore si dhe Komisionin Hetimor për Investime Strategjike.

“Ishin edhe dy çështje të rëndësishme, që janë diskutimet për emrat që do të propozojmë për dy Komisionet e rëndësishme, reformën zgjedhore dhe territoriale, që ne kemi bërë shumë negociata. Janë dy nga kuajt e betejës së opozitës dhe PD. Ne kemi pasur një vonesë, por për shkak edhe zhvillimeve të brendshme. Kemi konkluduar në emrat që do të jenë prezent në dy Komisionet, por edhe në Komisionin e Investimeve Strategjike.

Ndryshe, mësohet se ky grup i deputetëve edhe pse pa e arritur ende shumicën e Grupit Parlamentar të PD vendosi emrat e anëtarëve të Komisioneve Hetimore.

Komisioni për Reformën Zgjedhore:

Bashkëkryetar:

1. Enkelejd Alibeaj

Anëtarë PD:

2. Oerd Bylykbashi
3.Dashnor Sula
4. Grida Duma
5. Kreshnik Collaku
6. Lindita Metaliaj

Anëtarë Zëvendësues: Selaudin Jakupllari; Eralda Bano (Tase) dhe Ervin Salianji

Komisioni për Reformën Administrativo-Territoriale:

Bashkëkryetar:

1.Dhurata Çupi

Anëtarë PD:

2.Saimir Korreshi
3.Zef Hila
4. Xhelal Mziu
5.Andia Ulliri
6. Orjola Pampuri

Anëtarë Zëvendësues: Merita Bakiu, Zheni Gjergji dhe Bledion Nallbati

Komisioni Hetimor për verifikimin e zbatimit të Ligjit “Për Investime Strategjike”

Kryetar:

1.Gazment Bardhi

Anëtarë PD:

2.Emilja Koliqi
3.Ferdinand Xhaferraj
4.Lefter Gështenja
5.Arbi Agalliu
6.Bledion Nallbati
7.Ilda Dhori

Anëtarë zëvendësues: Jorida Tabaku, Kastriot Piroli dhe Ramadan Likaj