Zgjedhjet e 11 Majit, KQZ shpërndan mandatet për deputetët e Beratit, Dibrës, Shkodrës dhe Vlorës

Komisioni Qendror i Zgjedhjeve, KQZ. ka certifikuar rezultatin për zgjedhjet e 11 majit në katër qarqe të tjera duke shpërndarë dhe mandatet për deputetët e ri të Vlorës, Shkodrës, Beratit dhe Dibrës.

“Shpërndarja e mandateve për qarkun Berat është si vijon. PS 5 mandate, PD-ASHM 2 mandate.

Për qarkun Dibër shpërndarja e mandateve, PS 3 mandate, PD-ASHM 2 mandate.

Qarku Shkodër, PD-ASHM ka marrë 5 mandate, PS 4 mandate, Partia Socialdemokrate 2 mandate.

Për qarkun Vlorë mandatet ndahen si vijon: PS ka marrë 9 mandate, PD-ASHM 3 mandate,” tha Ilirian Celibashi duke publikuar dhe emrat e fituesve të këtyre mandateve.

Ndryshe, Vendimi për ceretifikimin e rezultatit dhe shpërndarjen e mandateve vjen pasi Kolegji Zgjedhor rrëzoi ankimimet e koalicionit “Partia Demokratike-Aleanca për Shqipërinë Madhështore” për zgjedhjet në qarqet Vlorë, Berat, Dibër dhe Shkodër.