Zgjedhjet e 11 majit, shorti në KQZ: PD-Shqipëria Madhështore me numër 1. në fletën e votimit
Komisioni Qendror i Zgjedhjeve ka miratuar sot listat e kandidatëve për deputet për koalicionin PD-Aleanca për Shqipërinë Madhështore.
Koalicioni i udhëhequr nga Partia Demokratike ka në përbërje subjekte opozitare si Partia e Lirisë, Partia Republikane, PAA, PDIU, PBDNJ dhe të tjera…
Përveç koalicionit opozitar, KQZ miratoi edhe listat shumë-emërore të subjekteve Partia Aleanca Kombëtare Shqiptare dhe Partia Lëvizja Atdheu.
Ndryshe, Listat shumë-emërore të miratuara sot janë të këtyre subjekteve zgjedhore:
-Koalicioni “PD – Aleanca për Shqipërinë Madhështore”
-Partia Aleanca Kombëtare Shqiptare
-Partia Lëvizja Atdheu
Po sot, KQZ ka hedhur shortin për renditjen e subjekteve politike në fletën e votimit për zgjedhjet e 11 majit.
Me short u përcaktua që PD-Aleanca për Shqipërinë Madhështore të renditet e para në fletën e votimit.
Ajo ndiqet nga Lëvizja Bashkë e drejtuar nga Arlind Qorri dhe në vendin e tretë nga Lëvizja Atdheu.
Ndërsa Partia Socialiste në pushtet e drejtuar nga kryeministri Edi Rama renditet në vendin e pestë në fletën e votimit, pasuar nga koalicioni “Nisma Shqipëria Bëhet” e drejtuar nga Adriatik Lapaj.
Më tej, në vendin e nëntë renditet koalicioni “Djathtas për Zhvillim”, e ndjekur nga Partia Mundësia e Agron Shehajt, ndërsa lista përmbyllet me PSD-në në vendin e 11-të.
Renditja e plotë:
1. PD Aleanca për Shqipërinë Madhështore
2. Lëvizja Bashkë
3. Lëvizja Atdheu
4. Koalicioni Euroatlantik
5. Partia Socialiste
6.Nisma Shqipëria Bëhet
7. Aleanca Kombëtare Shqiptare
8. Aleanca për Demokracinë e Re
9. Djathtas për Zhvillim
10.Partia Mundësia
