Zgjedhjet e 11Majit, KQZ: Listat e partive me 186 kandidatë, 46 prej të cilëve në listë të mbyllur

Sot, Komisioni Qendror i Zgjedhjeve, KQZ, miratoi caktimin e numrit të kandidatëve për deputetë në listat shumemërore të paraqitura nga subjektet zgjedhore, për zgjedhjet parlamentare të 11 majit 2025 duke i dhënë fund edhe debatit të stisur mediatik mbi listat dhe numrin e mandateve që do të zënë vend në listën e mbyllur.

Kështu, sipas vendimit të sotëm, partitë pjesëmarrëse në zgjedhjet e 11 Majit 2025 do të kandidojnë me 186 kandidatë për 140 mandate për deputetë, 46prej të cilëve do të jenë në listën e mbyllur.

Risi e këtyre listave zgjedhore dhe sipas këtij Vendimi, kriteri i parë që duhet të plotësohet në rastin e paraqitjes së listës shumemërore nga subjekti zgjedhor është numri i kandidatëve në listën shumemërore nuk mund të jetë më i vogël se numri mandateve që do të zgjidhen në zonën zgjedhore përkatëse.

Gjithashtu, numri i kandidatëve në listën shumemërore qartazi ka edhe një kufi të sipërm. Sipas neni 67, pika 2, numri i përgjithshëm i kandidatëve në listën me renditje të fiksuar është i barabartë me numrin e mandateve për çdo zonë zgjedhore pjesëtuar për tre.

Shprehur në qarqe, Komisioneri Shtetëror i Zgjedhjeve caktoi numrin e kandidatëve për deputet në listat shumemërore që duhet të paraqesin subjektet zgjedhore:

1. Qarku Berat 7 mandate, 2 numri i kandidatëve me renditje të fiksuar, 7 numri i kandiatëve që i nënshtrohen votimit parapëlqyes.

2. Qarku Dibër 5 mandate, 2 numri i kandidatëve me renditje të fiksuar, 5 numri i kandiatëve që i nënshtrohen votimit parapëlqyes.

3. Qarku Durrës 14 mandate, 5 numri i kandidatëve me renditje të fiksuar, 14 numri i kandiatëve që i nënshtrohen votimit parapëlqyes.

4. Qarku Elbasan 14 mandate, 5 numri i kandidatëve me renditje të fiksuar, 14 numri i kandiatëve që i nënshtrohen votimit parapëlqyes.

5. Qarku Fier 16 mandate, 5 numri i kandidatëve me renditje të fiksuar, 16 numri i kandiatëve që i nënshtrohen votimit parapëlqyes.

6. Qarku Gjirokastër 4 mandate, 1 numri i kandidatëve me renditje të fiksuar, 4 numri i kandiatëve që i nënshtrohen votimit parapëlqyes.

7. Qarku Korçë 10 mandate, 3 numri i kandidatëve me renditje të fiksuar, 10 numri i kandiatëve që i nënshtrohen votimit parapëlqyes.

8. Qarku Kukës 3 mandate, 1 numri i kandidatëve me renditje të fiksuar, 3 numri i kandiatëve që i nënshtrohen votimit parapëlqyes.

9. Qarku Lezhë 7 mandate, 2 numri i kandidatëve me renditje të fiksuar, 7 numri i kandiatëve që i nënshtrohen votimit parapëlqyes.

10. Qarku Shkodër 11 mandate, 4 numri i kandidatëve me renditje të fiksuar, 11 numri i kandiatëve që i nënshtrohen votimit parapëlqyes.

11. Qarku Tiranë 37 mandate, 12 numri i kandidatëve me renditje të fiksuar, 37 numri i kandiatëve që i nënshtrohen votimit parapëlqyes.

12. Qarku Vlorë 12 mandate, 4 numri i kandidatëve me renditje të fiksuar, 12 numri i kandiatëve që i nënshtrohen votimit parapëlqyes.

Sot u miratua Udhëzimi “Për përcaktimin e rregullave për depozitimin dhe verifikimin e dokumentacionit të kandidimit, afatet për publikimin e listave të kandidatëve dhe miratimin e madeleve të kandidimit për zgjedhjet për Kuvend”.

Ky udhëzim përcakton rregullat për depozitimin dhe verifikimin e dokumentacionit të kandidimit, afatet për publikimin e listave të kandidatëve dhe miratimin e modeleve të kandidimit për zgjedhjet për Parlament.

Komisioneri Shtetëror i Zgjedhjeve miratoi dokumentacionin e punës së Komisioneve të Qendrave të Votimit, për zgjedhjet për Parlament, modelet e vendimeve dhe dokumentacionit të punës që do të përdorin Komisionet e Qendrave të Votimit, janë hartuar duke pasqyruar të gjitha elementët, faktet apo rubrikat që Kodi Zgjedhor përcakton si detyrim të KQV-së.

Sot u miratua edhe Vendimi për organizimin dhe funksionimin e strukturës së monitorimit të zgjedhjeve dhe mbikëqyrjes së veprimtarisë së administratës zgjedhore ku do të krijohet një strukturë e posaçme pranë Komisionit Qendror të Zgjedhjeve, që pritet të garantojë monitorimin dhe mbikëqyrjen efektive të veprimtarisë së administratës zgjedhore gjatë periudhës zgjedhore.