Zgjedhjet e 14 Majit, Kim-Hohmann në KQZ: Test për progresin e demokracisë shqiptare!
Përgatitjet e zgjedhjeve vendore të 14 Majit 2023, shpërdorimi i burimeve shtetërore në fushatë, dukuria e shitblerjes së votës, transparenca e financimeve në zgjedhje dhe pastërtia e figurës së kandidatëve që do të garojnë për t’u zgjedhur ishin çështje të takimit që Komisioneri Shtetëror i Zgjedhjeve, Ilirjan Celibashi, zhvilloi sot në KQZ me Ambasadoren e SHBA në Tiranë, Yuri Kim, dhe Ambasadoren e Bashkimit Europian në Shqipëri, Christiane Hohmann, por sërish asgjë në lidhje me shkeljet e Kodit Zgjedhor që bënë Kryetari i PS dhe Kryeministri Edi Rama.
Zgjedhjet e 14 Majit nuk janë thjesht për të zgjedhur qeverisjen vendore, por një test i mirëfilltë për progresin e demokracisë shqiptare, theksuan sot në takim, Ambasadoret Hohmann dhe Kim, duke e bëri të qartë se të gjithë sytë e partnerëve ndërkombëtarë janë fokusuar mbi këto zgjedhje.
Komisioneri Celibashi nga ana e tij theksoi dyfishimin e institucioneve shtetërore raportuese në KQZ, ndalimin e mbi 20 aktiviteteve publike, trefishimin e numrit të sanksioneve nga KQZ dhe i garantoi Ambasadoret Kim dhe Hohmann se KQZ do të vijojë të mbetet e barazlarguar nga politika dhe do të veprojë vetëm në zbatim të ligjit.
Në fund të takimit, KQZ bënë të ditur se Komisioneri Shtetëror i Zgjedhjeve, Ilirjan Celibashi, falënderoi Ambasadoren e SHBA në Tiranë, Yuri Kim, dhe Ambasadoren e Bashkimit Europian në Shqipëri, Christiane Hohmann, për mbështetjen e fortë ndaj KQZ dhe kontributin e tyre për institucionin.
Nuk dihet se cila është arsyeja që Ambasadorja e SHBA në Tiranë, Yuri Kim, dhe Ambasadorja e Bashkimit Europian në Shqipëri, Christiane Hohmann, vazhdojnë dhe heshtin me shkeljet zgjedhore që bënë Kryeministri Edi Rama me Kodin Zgjedhor, gjthsesi shqiptarët urojnë që shkelja e këtij Kodi nga Edi Rama me rritje pensionesh dhe pagave të administratës, të jetë shkelja më e pakët që mund të bëjë një shkelës kronik si Kryetari i Partisë Socialiste, me shkeljen e veçantë që bëri në vitin 2021 në sy të ndërkombëtarëve dhe korri fitoren e pamundur për mandatin e tretë me radhë të pushtetit pa zgjedhje të lira e të ndershme
