Zgjedhjet e 14 majit, vendimi KQZ: Votimi dhe numërimi elektronik në Vorë, Kamzë dhe Elbasan

Komisioni Qendror i Zgjedhjeve sot ka vendosur që votimi dhe numërimi elektronik në zgjedhjet lokale të 14 majit do të zhvillohet në bashkitë Vorë, Kamzë dhe Elbasan.

Ky vendimi erdhi pas shtesës së fondit të qeverisë për KQZ në vlerë prej 800 milionë lekë, për projektin i cili do të aplikohet në 335 qendra votimi në 3 bashkitë, Vorë, Kamzë dhe Elbasan.

Në zgjedhjet e 25 prillit të vitit 2021 votimi elektronik u mbajt në bashkinë e Vorës dhe në njësinë nr.10 në kryeqytet.

Ndryshe në mbledhjen e sotme të Komisionerit Shtetëror të Zgjedhjeve përveç Projektvendimit “Për zbatimin e projektit pilot për procesin e votimit dhe numërimit elektronik të votave, në zgjedhjet për organet e qeverisjes vendore, të datës 14 Maj 2023, në bashkitë Elbasan, Kamëz dhe Vorë” pritet të shqyrtohen edhe:

– Projektvendim “Për miratimin e procedurave dhe kritereve të akreditimit të vëzhguesve të subjekteve zgjedhore në komisionet e zonave të administrimit zgjedhor, komisionet e qendrave të votimit dhe vendet e numërimit të votave në zgjedhje”;

– Projektvendim “Për plotësimin e vakancës në këshillin e bashkisë Librazhd me kandidatin nga lista shumemërore e Partisë Socialiste të Shqipërisë, zj. Flutur Elmaz Kojku”;

– Projektvendim “Për plotësimin e vakancës në këshillin e bashkisë Durrës me kandidatin nga lista shumemërore e Partisë Demokracia Sociale të Shqipërisë, zj. Ticjana Petraq Verori”;

– Projektvendim “Për plotësimin e vakancës në këshillin e bashkisë Durrës me kandidatin nga lista shumemërore e Partisë Socialiste të Shqipërisë, zj. Luljeta Agim Metani”;

– Projektvendim “Për plotësimin e vakancës në këshillin e bashkisë Durrës me kandidatin nga lista shumemërore e Partisë Socialiste të Shqipërisë, z. Arbër Idriz Elmadhi”;

– Projektvendim “Për plotësimin e vakancës në këshillin e bashkisë Berat me kandidatin nga lista shumemërore e Partisë Socialiste të Shqipërisë, z. Gjergji Atem Daja”;

– Projektvendim “Për plotësimin e vakancës në këshillin e bashkisë Dibër me kandidatin nga lista shumemërore e Partisë Socialiste të Shqipërisë, z. Dritan Embrush Salkurti”;

– Vijimi i hetimit administrativ për shkelje të konstatuara për raportimin e veprimtarive me karakter publik të institucioneve publike, qendrore dhe vendore si dhe agjencive dhe/ose ndërmarrjeve shtetërore;