Zgjedhjet e 30 Qershorit/ PS regjistrohet në KQZ

Partia Socialiste, PS, ka dorëzuar sot kërkesën në Komisionin Qendror të Zgjedhjeve, KQZ, për t’u regjistruar si parti politike që do të garojë në zgjedhjet lokale të 30 Qershorit.

Kërkesa është firmosur nga Sekretarja për çështjet elektorale në PS, Blerina Gjylameti dhe shoqërohet me dokumentacionin përkatës.

Mësohet se për momentin asnjë nga partitë opozitare nuk ka dorëzuar në KQZ, as emrat e komisionerëve të Komisioneve Zonale Zgjedhore dhe as kërkesën për të qenë pjesë e zgjedhjeve lokale.

Ndryshe, PD dhe Aleatët e kanë bërë të qartë se do të bojkotojnë zgjedhjet e 30 Qershorit, nëse një qeveri tranzitore, pas largimit të Kryeministrit Edi Rama, nuk do t’i përgatitë zgjedhjet e parakohshme parlamentare.