Zgjedhjet e 6 marsit, Edi Rama nga Amerika: Lulzim Basha nuk fiton në asnjë rast!

Pas mbështetjes së madhe që i dha Lulzim Bashës në Partinë Demokratike dhe akuzave të pafunda kur “Foltores” dhe Sali Berishës, si dhe takimeve që zhvilloi gjatë vizitës në SHBA, Kryeministri Edi Rama e pranon në Washington se në zgjedhjet e pjesshme vendore të 6 marsit, Luzlim Basha nuk fiton dhe do të humbë për t’i qëndruar besnik profilit të tij.

“Basha nuk fiton dot asgjë, asnjëherë, në asnjë rast. Siç ka humbur gjithmonë do i qëndrojë besnik profilit të vet dhe do të humbasë gjithmonë. Aleanca mes Berishës dhe LSI është reale e do të intensifikohet sa më shumë që të përkufizohet ngjashmëria e tyre në raport me planetin,” tha Edi Rama pas takimit me Sekretarin Amerikan të Shtetit ndërsa foli për një interes të shtuar të amerikanëve për të investuar në Shqipëri.

“Sekretari ka analizuar se rritja e interesit tregtar amerikan për Shqipërinë, lidhet drejtpërdrejt me rritjen e besimit te sistemi shtetëror në Shqipëri dhe drejtësia që është në kantier, por është në proces ndryshimi, patjetër që kjo është avantazh.”

Ndryshe, nuk dihen arsyet pse pas takimit që zhvilloi me Sekretarin Blinken, Kryeministri Edi Rama ndryshoi gjuhën e komunikimit me Lulzim Bashën dhe fraksionin “Qelibari” që promovon ky politikan i dështuar, por Rama sqaroi favoret që i dha Bashës për të votuar shtyrjen e mandatit të organeve të vettingut dhe nga ky mashtrues u “shitën” si arritje të mëdha, se Reforma Territoriale do të duhet të ketë më pak njësi vendore ndërsa Reforma Zgjedhore nuk të jep fitoren e zgjedhjeve në tavolinë.