Zgjedhjet e 6 Marsit, KQZ mandaton Kryetarët e bashkive të Dibrës, Vorës dhe Rrogozhinës

Pas verifikimit të tabelave të rezultateve, Komisioni Qendror i Zgjedhjeve, KQZ, i ka dhënë sot mandatin e kryetarit të bashkisë, tre nga gjashtë fituesit e zgjedhjeve të pjesshme vendore të 6 marsit 2021: kryetari i bashkisë Dibër, Rahim Spahiu, kryetari i bashkisë Vorë, Blerim Shera dhe kryetari i bashkisë Rrogozhinë, Edison Memolla.

Për tre Kryebashkiakët tjerë fitues në zgjedhjet e 6 Marsit, vazhdon verifikimi i tabelave të rezultateve.

Ndërkohë KQZ ka publikuar dhe njoftimin për mbledhjen e Komisionerit Shteteror të Zgjedhjeve ku janë shqyrtuar projektvendimet:

1.Projektvendim “Për dhënien e mandatit të kryetarit të bashkisë Dibër, qarku Dibër, z. Rahim Petrit Spahiu, për zgjedhjet e pjesshme për kryetar bashkie të datës 6 Mars 2022;

2.Projektvendim “Për dhënien e mandatit të kryetarit të bashkisë Vorë, qarku Tiranë, z. Blerim Rustem Shera, për zgjedhjet e pjesshme për kryetar bashkie të datës 6 Mars 2022;

3.Projektvendim “Për dhënien e mandatit të kryetarit të bashkisë Rrogozhinë, qarku Tiranë, z. Edison Selman Memolla, për zgjedhjet e pjesshme për kryetar bashkie të datës 6 Mars 2022″.

4.Projektvendim “Për miratimin e rezultatit për zgjedhjen e kryetarit të bashkisë Shkodër, qarku Shkodër, në zgjedhjet e pjesshme për kryetar bashkie të datës 6 Mars 2022 dhe dhënien e mandatit të kryetarit të bashkisë z. Bardh Ali Spahia”;

5.Projektvendim “Për miratimin e rezultatit për zgjedhjen e kryetarit të bashkisë Durrës, qarku Durrës, në zgjedhjet e pjesshme për kryetar bashkie të datës 6 Mars 2022 dhe dhënien e mandatit të kryetarit të bashkisë zj. Emiriana Hiqmet Sako”;

6.Projektvendim “Për miratimin e rezultatit për zgjedhjen e kryetarit të bashkisë Lushnjë, qarku Fier, në zgjedhjet e pjesshme për kryetar bashkie të datës 6 Mars 2022 dhe dhënien e mandatit të kryetarit të bashkisë zj. Eriselda Musa Sefa”.