Zgjedhjet lokale, Ardita Sinani fituese në Preshevë
Kandidatja e Partisë për Veprim Demokratik, Ardita Sinani, duke shpallur fitoren në zgjedhjet lokale të së dielës në Preshevë, ka falënderuar të gjithë ata që e mbështetën.
Sipas rezultateve paraprake, Partia për Veprim Demokratik ka marrë 4080 vota ose 11 këshilltarë, pasuar nga Partia Demokratike Shqiptare e Ragmi Mustafës, e cila ka marrë 3093 vota ose 8 këshilltarë, Alternativa për Ndryshim që ka qeverisur Preshevën ka marrë 2856 vota ose 8 këshilltarë, Lëvizja për reforma 2140 vota ose 6 këshilltarë, Aleanca për Luginën 1154 vota ose 3 këshilltarë, Unioni Demokratik Shqiptar 566 vota ose 1 këshilltar, dhe Lista serbe ka marrë 641 vota ose 1 këshilltar.
Ndërsa në Bujanoc fitoi kandidati nga radhët e Alternativës Arbër Pajaziti, i pasuar nga Shqipërim Musliu i LPD-së, ndërkaq bashkëpartiaku i Sinanit, Ragmi Mustafi, duke pranuar humbjen tha se ky nuk është fundi dhe kontributi për idealet dhe aspiratat tona nuk mbaron.
“Të dashur miq, zgjedhjet mbaruan dhe, për fat të keq, këtë herë nuk arritëm të fitojmë. Megjithatë, jam shumë krenarë për punën dhe përkushtimin që keni treguar gjatë gjithë fushatës. Faleminderit secilit prej jush për mbështetjen e palodhur, për besimin dhe përkushtimin. Ky nuk është fundi. Kontributi për idealet dhe aspiratat tona nuk mbaron. Faleminderit nga zemra për çdo përpjekje dhe mbështetje,” tha Ragmi Mustafi.
Pjesëmarrja në zgjedhje sipas rezultateve paraprake ishite mbi 30 për qind, dhe në të dy komunat, partia ose koalicioni që i siguron 20 përkatësisht 21 mandate, e zgjedh kryetarin e komunës në Preshevë përkatësisht Bujanoc, i cili nuk zgjidhet me votën e drejtpërdrejt, por me shumicë këshilltarësh në Kuvendin e Komunës.
Ndryshe, Presheva ka rreth 43.500 votues të cilët kanë votuar në 37 qendra votimi për 39 mandate. Në Bujanoc, qytetarë me të drejtë vote ishin gjithsej 43.046 votues të cilët kanë votuar në 59 qendra votimi për 41 mandate.
Kandidatja e Partisë për Veprim Demokratik, Ardita Sinani, ishte Këshilltare Politike e Kryeministrit të Kosovës, Albin Kurti, i cili ka e mbështetur publikisht gjatë fushatëz zgjedhore në Luginën e Preshevës.
