Zgjedhjet lokale 2023, ja cilën PD do regjistrojë Celibashi në zgjedhje

Kryetari i Komisionit Shtetëror të Zgjedhjeve, Ilirian Celibashi, sot ka sqaruar se regjistrimi i kandidatëve për zgjedhjet lokale të 2023-shit, përfundon më 27 mars por sot nuk kishte një përgjigje se cilën PD do regjistrojë në zgjedhje, atë Zyrtare që drejtohet nga Sali Berishës apo atë që drejtohet nga Edi Rama dhe i komanduar vazhdon të jetë Enkelejd Alibeajt.

“Nuk kam asnjë lloj përgjigje, se si do të jetë situata me regjistrimit nuk e dimë. Do ishte jo etike dhe jo korrekte që vendimin ta prezantoja pa e marrë, kur kjo çështje do të jetë për t’u diskutuar do ekzistojë transparenca, për këtë çështje, por nuk është momenti, pastaj secili nga ne ka një opinion,” tha Celibashi duke dhënë dhe bashkinë se ku do zhvillohet votimi elektronik:

“Me siguri në Vlorë do të zhvillohet votimi elektronik, kemi bërë një vlerësim se sa bashki mundet të realizohet dhe në 6 bashki kemi menduar që të zgjerohet, në bashki e mëdha si Tirana, Vlora, Elbasani, Durrësi dhe Fieri, nëse projekti dhe nëse partitë bien dakord dhe nëse janë paratë, por për të qenë të përgatitur dhe të thonë që ne si parti jemi pro votimit elektronik. Shpenzimet janë llogaritur 3 mld lekë, nëse do ti kemi dhe palët janë dakord që të zhvillohet, do të zhvillohet, nëse nuk ka para nuk do të zhvillohet”.

Gjithashtu është e sigurt se afati për regjistrimin e partive politike përfundon më 6 mars, tha kreu i KQZ-së ndërsa për regjistrimin e koalicioneve afati përfundon më 15 mars; Ndërkohë fushata zgjedhore fillon më 14 prill dhe do të mbarojë më 13 maj 2023.

“Në 6 mars përfundon afati i kërkesave për regjistrimin e partive politike, jo më shumë se 70 ditë nga data e zgjedhjeve. Më 15 mars 2023 përfundon afati i kërkesave për regjistrimin e koalicioneve. Më 27 mars përfundoni afati për paraqitjen e kandidatëve për kryetar bashkie si dhe listave shumëermërore për anëtarët e Këshillit Bashkiak.

Më 14 prill fillon fushata zgjedhore. Në 8 maj përfundon afati për publikimin e sondazheve, më 13 maj përfundon fushata zgjedhore dhe nis heshtja zgjedhore. Në 2 maj 2023 është afati i fundit për vëzhguesit vendas përfshirë edhe mediat. Në 11 maj përfundon afati për vëzhguesit ndërkombëtar. Më 23 nëntor është afati për shpalljen e listës paraprake të zgjedhësve, 30 ditë pas nxjerrjes,” tha kreu i KQZ, Ilirian Celibashi duke shtuar se në 15 mars 2023 përfundon afati për të kërkuar ndryshime në listën paraprake të zgjedhësve dhe më 9 prill shpallet lista përfundimtare e zgjedhësve.