Zgjedhjet lokale në Kosovë, kthimi i Serbisë në Veri! Si?!
Fushata zgjedhore për zgjedhjet lokale që do të mbahen më 12 Tetor në Kosovë dëshmoi se kthimi i Veriut në vetëdijen e shqiptarëve e humbi betejën me mediat, të cilat rezultatin e luftës së tyre kundër “Pushtetit të Albin Kurtit” nuk do ta japin në përpjekjen e Lëvizjes Vetëvendosje për të krijuar qeverinë, por, më 13 Tetor kur në Veri të Mitrovicës dhe gjithë territorin kosovar, do të kthehet Serbia.
Si do të kthehet Serbia më 13 Tetor në Veri, shqiptarëve që nuk jetojnë në Mitrovicë dhe Veri të Kosovë u pa qartë se nuk ju intereson sepse apriori e konsiderojnë të humbur, për të mos thënë serbe, ndërsa kthimin e pushtetit kosovarë e konsideruan ashtu siç e trajtuan të gjitha mediat që vazhdojnë dhe e kundërshtojnë për çdo hap ose vendim të Kurtit, duke e quajtur propagandë të Albin Kurtit!
Ndërsa ata shqiptarë që jetuan në Veri së bashku me shqiptarët e Mitrovicës që vazhduan ta shijojnë qytetin pa kufi, si dhe bizneset që i besuan bashkimit të qytetit vetëm sa mund të hamendësojnë mëngjesin e 13 Tetorit, se nëse në bashki nuk do të kthehet flamuri serb pa u betuar Kryetari i ri i cili do të vijë nga radhët e Listës Srpska të Aleksandar Vuçiçit, një gjë është e sigurtë, në qytet do të mbijnë flamujt serbë!
Dhe, derisa pjesa tjetër e Kosovës do të merret me rezultatet bazuar në parashikimet e batonëve dhe buzhalëve, kush është në baltoazh e kush jo, edhe një gjë është e sigurt, shqiptarët që banojnë në Veri të Kosovës dhe ata që jetojnë si refugjatë në Kosovë nuk do të kenë më atë ndjeshmërinë e hidhur, kur shikojnë se si festohet nga Jugu i Mirovicës e deri në Han të Elezit për fitoren e partisë së tyre, dhe vëllezërit e tyre në Veri shkelen me këmbë nga shkjau!
Sepse, kur të shtunën e 11 tetorit u bë e ditur se në ora 08:00 nga Qendra e Numërimit dhe Rezultateve filloj shpërndarja e materialit zgjedhor për Zgjedhjet Lokale, të cilat do të mbahen më 12 tetor 2025, çdo shqiptar që bukës i thotë bukë dhe ujit i thotë ujë e ka të qartë se nga Serbia me në krye kriminelin Milan Radoiçiç ka filluar mobilizimi i falangave çetnike për tu kthyer në zyrat të cilat i braktisën me vendim nga Beogradi!.
Sa do ti qëndroj përballë këtij krimi serb pushteti aktual i Kosovës që çliroi veriun nga kriminelët e Radoiçiçit, kjo nuk varet nga 2.069.098 qytetarë me të drejtë vote, prej të cilëve 2.025.105 janë rezidentë në Kosovës dhe 43.993 janë regjistruar për të votuar jashtë Kosovës që do t’i drejtohen kutive të votimit mëngjesin e 12 tetorit në orën 07:00 dhe deri sa të mbyllen në orën 19:00, dhe as me përmbylljen e numërimit të votave, sikur të gjitha komunat në Kosovë ti ketë fituar PDK ose LDK, sepse dëmi është bërë!
Ndërkohë edhe krijimi i Qeverisë së re nga Lëvizja Vetëvendosje në ditët në vijim mund të pasoj vetëm me luftën me mullinjtë e erës, duke hequr gjithë flamujt serb që do të vendos pushteti lokal serb nga 13 Tetori e në vijim, sepse Albin Kurti nuk arriti të heq armikun më të madh që ka aktualisht ai dhe Kosova, urrjetjen Anti-LVV që propagandojnë të gjitha mediat kosovare në emër të “shkeljes së të drejtave të serbëve” nga ky pushtet!
Kështu, kthimi i pushtetit të Kosovës në Veri do të shtyhet në kalendat greke, mediat kombëtare dhe jo vetëm do të vazhdojnë të bindin shqiptarët për rëndësinë që ka Asociacioni i Komunave me Shumicë Serbe dhe do të vazhdojnë të numërojnë viktimat shqiptare në Veri, ndërsa ndërkombëtarët që bllokuan çdo veprim të çlirimit të Kosovës në Veri nga pushteti aktual madje edhe e ndëshkuan, do të vazhdojnë me përpjekjen e radhës për t’ja gërditur Serbisë pushtetin e Rusisë, dhe për ta bindur se për popullin serb më i mirë është Perëndimi, pra, SHBA dhe BE!
Ndërkohë shqiptarët do të shohin se vrasja e bashkombasëve të tyre në Veri nga paramiltarët serbë do të bëhet jo në nivelin se sa do të mund të mbrohen vetë ata nga ajo që do të shohin nga frengjitë e tyre, por, nga Maja e Mollës e deri në Picel, vetëm aq sa do të jetë e mëshirshme Serbia, normalisht me koordinim apo pa koordinim me Quintin,
