Zgjedhjet në 6 bashki, PD mbledh sot Kryesinë!

Partia Demokratike do të mbledhë sot Kryesinë, ku në qendër të diskutimeve pritet të jenë zgjedhjet e pjesshme për Kryetar në 6 Bashki.

Gjatë mbledhjes së Kryesisë, Grupi i Punës pritet të japë informacione rreth ecurisë së bisedimeve me aleatët në lidhje me përfaqësimin në zgjedhjet e 9 nëntorit, dhe kandidatët e propozuar për Kryetar të Bashkive duke përfshirë dhe Tiranën.

Sot pritet të diskutohen dhe vendimmarrjet mbi organizimin e procesit zgjedhor për bashkitë ku do të ketë në zgjedhje,Tiranë, Vlorë, Berat, Mat, Tepelenë dhe Cërrik.

Me përjashtim të Tiranës ku zgjedhjet mbahen për shkak të arrestimit të Kryetarit të Bashkisë, Erion Veliaj më 10 shkurt dhe sot ndaj tij janë ngritur 13 akuza, përfshi ato për korrupsion, pastrim parash dhe deri te mbajtja e sendeve të paligjshme në qeli gjatë paraburgimit, në pesë bashkitë tjera vakancat janë krijuar për shkak të dorëheqjes së kryetarëve të bashkive.