Zgjedhjet në BeH pa të papritura, Presidenca e re, Dodik sërish President i Republika Srpska

Epilogu i zgjedhjeve në Bosnje Hercegovinë, BeH, rezultoi pa të papritura! Presidenca e Bosnje Hercegovinës tashmë është pa Milorad Dodikun por me anëtaren e linjes në fortë nga partisa e tij, SNSD, Zhelka Cvijanoviç; Që Bakir Izetbegoviç nuk do të jetë më pjesë e Presidencës së BeH nuk e dinte vetëm ai, dhe kështu rezultoi, Denis Beçiroviç do të jetë pjesë e kësaj Presidence si përfaësues i boshnjakëve ndërsa kroatët do ta kenë anëtarin e tyre të palëkundur, Zhelko Komshiç.

Në garë për Parlamentin e Bosnje Hercegovinës, SDA e Izetbegoviçit dhe SNSD e Dodikut fituan më së shumëti vota, tregojnë të dhënat e fundit të KQZ.

Pas 62 për qind të votave të numëruara nga Federata e BeH, SDA është bindshëm e para me 140.436 vota ose 24.87 për qind, SDP ka 12.42 për qind, Fronti Demokratik 9.49 për qind ndërsa Populli dhe Drejtësia 7.44 për qind.

Pragun prej 3 për qind e kanë kaluar edhe koalicioni NES-Për gjeneratat e reja, Partia jonë dhe HDZ 1990 – HNP.

Në Republika Srpska, pas 80 për qind të votave të numëruara për Parlamentin e BeH, SNSD është bindshëm e para me 202.312 vota ose 42.44 për qind.

Nëdrkohë për Presidentin e Republika Srpska, pavarësisht propagandimit të humbjes së Dodikut nga disa media të papërgjegjshme, krimineli Milorad Dodik ka mbi 30 mijë vota dhe aktualisht është i pari me 242.851 vota duke lënë mbrapa Jelena Triviçin me 212.452 vota.

Kështu, përkundër ndryshimeve në Kodin Zgjedhor nga Përfaqësuesi Special, zgjedhjet në Bosnjen e Daytonit sollën një Presidencë të re pa Milorad Dodikun, por, po me ato probleme me Dodikun tashmë President të Republika Srpska!