Zgjedhjet në Kosovë, Mesazhi: Opozitës i duhen vota dhe jo batonë e buzhalë, LVV-së reflektimi!
Rezultati i zgjedhjeve të 12 Tetorit në Kosovë dha një mesazh për klasën politike duke e bërë të qartë se gara elektorale fitohet ashtu siç bëri Ramiz Lladrovci në Gllogoc me 52.31% të votave dhe jo siç bënë PDK e LDK me batonë e buzhalë në Mitrovicë, Prishtinë, Pejë e Prizren!
Pre e këtij llumi propagandistik ra edhe AAK në Gjakovë, ku vota turpërori më shumë delirin e Ardian Gjinit me shokë se verditkin që e çoi në balotazh!
Padyshim, në këtë ditë turpi ku batonë e buzhalë e bënë pis epilogun e kësaj gare zgjedhore siç bëri me parlamentin, ishte Mitrovica e Jugut!
Askush nuk mund të vëjë në dyshim cilësitë e kandidatit të PDK, Arian Tahiri, në Mitrovicë të Jugut por shpërfillja që i bëri faktit të çlirimit të Veriut nga partia në pushtet, dhe komoditeti që ai krijoi me faktin se kishte një kandidat të dobët duke shpërfillur faktin më të rëndësishëm se ishte i partisë në pushtet, i kushtoi me dështim të turpshëm që e ka shumë të vështirë ta rikuperoi në balotazh!
Ky turp bëhet edhe më i rëndë kur lejoi festën e fitores me rezultatet e fitores së batonëve dhe buzhalëve duke shpërfillur dhe faktin më të rëndësishëm se pikërisht ndërhyrja e këtyre mercenarëve mediatik relativizoi ndarjen e qytetit ashtu siç po relativizoi dhe çlirimin e veriut duke ndikuar dukshëm në opinion!
Pastaj, turpi që bëri me LDK-në, ku votuesit e saj votuan Arian Tahirin dhe jo kandidatin e tyre, gjithashtu kandidat i mrekullueshëm Gëzim Plakolli, do ta bëjë garën në balotazh shumë të vështirë për Arian Tahirin i cili nuk u përqendrua në punën që ka bërë pushteti i PDK por mendoi se është ide e mirë ti vëjë gjoksin Kryeministrit, edhe pse ky është Albin Kurti, që të vetmin sukses të madh që ka dhe mund të mburret është Mitrovica!
Me këtë rast, Ariant Tahiri duhet ta ketë të qartë se PDK me Memli Krasniqin në krye mund të kënaqen me Ferizajin, Skënderajin dhe Hanin e Elezit ku fituan, dhe të mobilizohen për Prizrenin, por PDK ka bërthamën e fortë në Mitrovicë sa nuk i duhet ndihma as e Kryesisë së kësaj partie dhe as e batonëve dhe buzhalëve!
Kjo u konfirmua edhe në Gllogoc ku Ramiz Lladrovci u banua në punën e tij dhe jo sondazhet e llumit propagandistik!
Nga ana tjetër, kemi Albin Kurtin i cili harroi se ai nuk është kandidat për Kryetar në Mitrovicë dhe ndryshe do të ishte sikur me Lëvizjen Vetëvendosje do të kishte një kandidat më serioz se Faton Peci!
A mund të ndryshoi rrjedha e kësaj gare, natyrisht se po dhe reflektimi do ti shërbej Albin Kurtit ashtu siç e ka të domosdoshme të ndërhyjë edhe në Gjilan për ta shndërruar balotazhin në fitore, pavarësisht se sot me numërimin 100% të votave mund ta thotë tashmë se Lëvizja Vetëvendosje ka fituar në raundin e parë në Podujevë, Kamenicë dhe Shtime.
Por, pavarësisht situatave komike që krijoi propaganda e batonëve dhe buzhalëve, Prishtina është turpi më i madh i tyre ashtu si dhe i liderit të LDK, Lumir Abdixhiku, ku u konfirmua se Përparim Rama u zgjodhë në vitin 2021 me votën e urrjetjes ndaj Albin Kurtit dhe jo me ofertën që kishte përballë Dr.Arben Vitia, dhe tani shkon në baltoazh se ka vota të pamjaftueshme antialbin dhe jo vota që mori sepse punoi mirë!
A mund ti siguroi këto vota Përparim Rama në balotazh kur sot ka vetëm 33%, kjo vështirë mund të thuhet sikur baton e buzhalë ti japin fitoren siç ja do kokërra e qejfit, por ai nuk duhet të harroj se gjithë ato mashtrime që bëri me artilerinë propagandistike që kishte në dispoziicon, nuk mund t’i bëjë më!
Hajrullah Çeku është ky që është dhe nuk e mundi dot edhe pse vjen nga Lëvizja Vetëvendosja, që LDK e trajtoi si e keqja më e madhe gjatë fushatës zgjedhore, dhe ka një favor ndaj Përparim Ramës, sepse për balotazh do të kërkoj vota nga ata që e duan Prishtinën dhe jo ata që rruejnë Lumir Abdixhikun!
Nëse Përparim Rama mendon për fitore atëherë fitoren në balotazhin nuk duhet ta projektojë në krah me analfabetin më të madh që ka Kosova, Lumir Abdixhiku. Thjeshtë, zgjidhja e vetme i ka mbetur të përafroj aat që urrejnë Albin Kurtin sepse më shumë votues që e duan Prishtinën aq sa LDK-në nuk ka ku ti marrë më, i ka larguar Kryetari i saj; Kryetar, i cili nga deliri i fitores sot duhet të mjaftohet vetëm me fitoren e Istogut të Ibrahim Rugovës, dhe Lipjanit, fitore të cilën ia dhuroi PDK me kandidatin më pa lidhje që mund t’a mendojë jo ta kandidojë një parti në këtë qytet; E nëse vërtetë mendon se duhet të punoj diçka për LDK le të angazhohet në Pejë, atje ku Gazmend Muhaxheri vërtetë nuk është “crnagor” por vëllazëria me shkije nuk i dha më shumë se 46.11% të votave nga 60.49% sa kishte në vitin 2021 dhe krekosej si Ibrahim Rugova!
Në fund, meqë Gjakova shquhet me Teatër cilësor, këtë e dëshmoi edhe në këtë garë elektorale ku Ardian Gjini nxitoi të festoi me partinë e tij AAK me gjithë këtë llum propagandistik të batonë e buzhalëve duke harruar se ai dhe AAK mund të fitojnë në Gjakovë vetëm kur kanë vota në kutinë e votimit!
Sot Ardian Gjini është humbës shumë më i madh edhe pse është i pari me 47.74% të votave duke e lënë pas Ardian Golën e LVV me 32.82, sepse sot pas katër vjet qeverisjeje me 55.97% të votave për balotazh duhet të kërkoj vetëm ata që për Kryeministër kanë “albin serbin” ndërsa Gola vetëm ata qytetarë që e duan Gjakovën dhe u mashtruan katër vjet më parë se në krye të LVV është një “serb”.
Sot Aleanca për Ardhmërinë e Kosovës, AAK, dhet të kënaqet vetëm me fitoren në Deçan, Nisma në Malishevë, Partia Demokratike Turke e Kosovës, KDKP, në Mamushë, ndërsa Lista Srpska me 9 komunat e banuara me shumicë serbe.
Ndërkohë, në balotazh Lëvizja Vetëvendosje do të garojë në balotazh në 12 komuna, Lidhja Demokratike e Kosovës në 6 komuna, Partia Demokratike e Kosovës do të garojë në balotash në 6 komuna, Aleanca për Ardhmërinë e Kosovës në 5 komuna ndërsa ndërsa serbët në komunën e Kllokotit ku Lista Srpska shkon në balotazh me Unitetin Kombëtar Serb.
