Zgjedhjet në Kroaci, HDZ e para me 61 mandate por nuk i mjaftojnë, fillojnë negociatat
Pas numërimit të votave në të gjitha qendrat e votimit, rezultatet paraprake të Komiisonit Qendror të Zgjedhjeve në Kroaci tregojnë se HDZ aktualisht në pushtet ka fituar bindshëm duke fituar 61 mandate nga 151 sa ka parlamenti kroat, por, nuk i mjaftojnë për formimin e qeverisë.
Ndërkohë SDP e Presidentit aktual Zoran Milanoviç mori 42 mandate, Lëvizja Atdhetare 14 mandate, Ura 11 mandate, Mundemi 10 mandate, nga dy mandate IDS dhe Platforma e pavarur Veri dhe një Koalicioni Fokus-Republika.
Pjesëmarrja e madhe prej 62 për qind e votuesve vlerësohet se është dhe arsyeja pse e djathta fitoi bindshëm në zgjedhjet parlamentare që u zhvilluan dje.
Kryeministri aktual dhe Kryeministri Andrej Plenkoviç në fjalën e tij të fitores ka paralajmëruar fillimin e negociatave për formimin e qeverisë që sot.
Agjencitë: Negociata të vështira
Pas zgjedhjeve parlamentare që u zhviluan dje, para Kroacisë janë negociata të vështira për formimin e qeverisë ose periudhë destabilizuese me qeveri të pakicës, raportojnë sot agjencitë botërore të lajmeve.
Konservatorët kroatë dolën bindshëm të parët në zgjedhjet parlamentare, por me pak mandate se në vitin 2020, që paralajmëron negociata të vështira për formimin e shumicës, raporton Agjencia e lajmeve AFP.
HDZ e kryeministrit në ikje Andreja Plenkoviç ka fituar 61 mandate nga 66 që kishte në vitin 2020, e në vendin e dytë janë Socialdemokratët, SDP, të presidentit Zoran Milanoviç me 42 mandate, që në të dyja rastet janë larg 76 mandateve të nevojshme për krijimin e qeverisë.
AFP raporton se të gjitha opsionet janë të hapura për koalicionet në shtetin anëtar të NATO-s nga viti 2009 dhe anëtar i BE nga viti 2013, e që vazhdon të jetë njëri ndër shtetet më të varfëra në Bashkimin Evropian me pagën mesatare 1.240 euro.
Agjencia franceze e lajmeve siç duket u zemërua shumë me fitoren e së djathtës në zgjedhjet parlamentare në Kroaci duke e konsideruar korrupsionin për një kohë të gjatë si Thembrën e Akilit të partisë fituese HDZ që, sipas AFP, më së shpeshti ka qeverisur me Kroacinë që nga pavarësia në 1991, ndërsa dorëheqjen e disa ministrave në vitet e fundit e konsideron si kontaminim i jetës politike me skandalet e shumëta.
Prlaskaj humb mandatin
Pas numërimit të 99.53 për qind të votave ka dhe një rezultat dekurajues për shqiptarët që jetojnë Kroaci pasi në të arrdhmen kandidatja e Koordinimit Kombëtar të Boshnjakëve në Kroaci, Armin Hoxhiç, ka marrë përfaqësimin e pesë pakicave kombëtare në Parlamentin e Kroacisë, nga kandidatja e Unionit të Shqiptarëve në Kroaci, Ermine Lekaj Prlaskaj.
Në fakt, Hoxhiç ka marrë 3.328 vota ndërsa Lekaj Prlaskaj 2.239 vota dhe në këtë mënyrë Armin Hoxhiç do të përfaqësoj pakicën kombëtare shqiptare, boshnjake, malazeze, maqedone dhe sllovene.
Ndërsa Furio Radin do ta përfaqësoj edhe për një mandat pakicën italiane pasi mori 955 vota, me një fitore të ngushtë kundër kandidatit Corrad Dussich i cili mori 933 vota.
