Zgjedhjet në Mal të Zi/ Thirrje shqiptarëve, PDIU: Shqiptarët për shqiptarët. Për Gjukanoviç kujdeset Rama!

Partia për Drejtësi, Integrim dhe Unitet, PDIU, i ka bërë thirrje shqiptarëve në Mal të Zi që të votojnë masivisht përfaqësuesit e tyre shqiptarë në zgjedhjet parlamentare të 30 Gushtit ndërsa kujdesin për Gjukanoviçin e ka prioritet vetëm kryeministri Rama, i cili del me zë dhe figurë në serbisht dhe harron detyrën kryesore kushtetuese për tu kujdesur për shqiptarët kudo ku ata jetojnë.

“PDIU i bën thirrje shqiptarëve në Mal të Zi të votojnë masivisht përfaqësuesit e tyre shqiptarë në zgjedhjet e së dielës. Shqiptarët e grupuar në koalicionet “Koha është tani” dhe “Bashkë nji Za”, janë përfaqësuesit e vetëm që mund të kujdesen për komunitetin shqiptar të Malit të Zi,” thekson PDIU duke kërkuar që të delegojnë përfaqësimin e tyre vetëm tek shqiptarët, të cilët do të luftojnë dhe garantojnë të drejtat e tyre themelore si shtetas të barabartë në Mal të Zi.

Thirrje:

Shqiptarët për shqiptarët. Për Gjukanoviç kujdeset Rama!

PDIU i bën thirrje shqiptarëve shtetas të Malit të Zi të votojnë masivisht përfaqësuesit e tyre shqiptarë në zgjedhjet e së dielës.

Shqiptarët e grupuar në koalicionet “Koha është tani” dhe “Bashkë nji Za”, janë përfaqësuesit e vetëm që mund të kujdesen për komunitetin shqiptar të Malit të Zi.

Shqiptarët duhet të mësojnë nga historia e vjetër dhe e re dhe të delegojnë përfaqësimin e tyre vetëm tek shqiptarët, të cilët do të luftojnë dhe garantojnë të drejtat e tyre themelore si shtetas të barabartë në Mal të Zi.

Kujdesin për Gjukanoviçin e ka prioritet vetëm kryeministri Rama, i cili del me zë dhe figurë në serbisht dhe harron detyrën kryesore kushtetuese për tu kujdesur për shqiptarët kudo ku ata jetojnë.

PDIU i bën thirrje shqiptarëve të Malsisë të mbështesin vetëm kandidatët e tyre të koalicioneve shqiptare.