Zgjedhjet në PD, 6 Degë me Kryetarë të rinj

Komisioni i Organizimit dhe Kontrollit të Operacioneve Elektorale bënë të ditur se sot në kuadër të procesit të Rithemelimit, Partia Demokratike ka zhvilluar zgjedhjet në 6 Degë të PD: Berat, Librazhd, Prrenjas, dhe Degeët në Tiranë, 1, 5, 8, prej të cilit proces u zgjodhën dhe Kryetarët e rinj.

PD Dega Berat do të drejtohet nga Shyqyri Dura i cili mori 46 për qind të votave, PD Dega Librazhd nga Ilirjan Alliu i cili mori besimin e 53 për qind të demokratëve, PD Dega Prrenjas nga Arjan Karriqi i cili mori 61 për qind të votave, PD Dega Nr.1 Tiranë nga Fetah Hasanaj i cili mori 76 për qind të votave, PD Dega Nr.5 Tiranë nga Fatmir Myrta i cili pas një gare të fortë mori besimin e 47 për qind të demokratëve dhe PD Dega Nr.8 Tiranë do të drejtohet nga Gazmend Sallaku i cili mori 64 për qind të votave.

Ndryshe, Komisioni i Rithemelimit ka bërë të ditur se zgjedhjet për kryetarët e degëve të PD do të përfundojnë më 20 prill. 10 ditë më pas mbledhet Kuvendin Kombëtar, me përfundimin e të cilit fillon procesi për zgjedhjen e Kryetarit të ri të Partisë Demokratike.

Njoftim:

Komisioni i Organizimit dhe Kontrollit të Operacioneve Elektorale të Partisë Demokratike njofton që ditën e hënë, dt 18 prill 2022, u mbajtën zgjedhjet në 6 degë të PD.

Procesi u hap në orën 8.00 dhe u mbyll në pjesën më të madhe të degëve në orën 18.00. Për shkak të numrit të lartë të votuesve, në degët e Berat, dhe Tirana 5, procesi vijoi deri në orët e vona të mbrëmjes.

Pas numërimit të fletëve të votimit, sipas procesverbaleve zyrtare të mbërritura nga Komisionet e votimit në degë, Kryetarë të degëve të PD u shpallën si më poshtë:

1. Dega Berat:
Morën pjesë në garë 4 kandidatë.
Fitues u shpall z. Shyqyri Dura me 46% të votave

2. Dega Librazhd:
Morën pjesë në garë 3 kandidatë.
Fitues u shpall z. Ilirjan Alliu me 53 të votave

3. Dega Prrenjas:
Morën pjesë në garë 2 kandidatë.
Fitues u shpall z. Arjan Karriqi me 61% të votave

4. Dega 1 Tiranë:
Morën pjesë në garë 2 kandidatë.
Fitues u shpall z. Fetah Hasanaj me 76% të votave

5. Dega 5 Tiranë:
Morën pjesë në garë 5 kandidatë.
Fitues u shpall z. Fatmir Myrta, me 47% të votave

6. Dega 8 Tiranë:
Morën pjesë në garë 2 kandidatë.
Fitues u shpall z. Gazmend Sallaku, me 64% të votave

Komisioni i Organizimit dhe Kontrollit të Operacioneve Elektorale falenderon të gjithë anëtarët që u bënë pjesë e procesit të votimit për zgjedhjen e Kryetarit të degës së tyre sipas parimit “një anëtar një votë”, për një Parti Demokratike më të bashkuar, më të fortë e më të hapur.