Zgjedhjet parlamentare, Mali i Zi bie në duart e serbëve! Fitues PES me 25.6%
Me pjesëmarrjen më të ulët në historinë e pluralizmit – 56.2 për qind, Mali i Zi iu la serbëve të fitojnë në zgjedhjet parlamentare të 11 Qershorit, duke përsëritur sërish mundësinë e formimit të një qeverie jostabël! Risi është flakja e Abazoviçit nga qeveria për të cilin fituesi është i qartë, nuk bënë koalicion me Iniciativën URA të Dritan Abazoviçit!
Bazuar në numërimin e 99.5 për qind të votave, Qendra për monitorim dhe hulumtim, CeMI, bënë të ditur se fitues i zgjedhjeve parlamentare të së dieles është “Evropa tani”, PES, e Presidentit Milanoviç me 25.6 për qind të votave përkatësisht 24 mandate në parlamentin me 81 ulëse ndërsa Partia Demokratike e Socialistëve, DPS, e Gjukanoviçit mori 23.1 për qind përkatësisht 21 mandate.
#INFO – Na biračkom mjestu Tuzi 21 biće ponovljeno glasanje.
— CeMI (@CeMI_ME) June 12, 2023
Na ovom biračkom mjestu pravo glasa ima 225 birača.#ZaFerIzbore2023
Se kush është fituesi i i zgjedhjeve parlamentare në Mal të Zi tregon dhe fakti se në daljen e parë pas publikimit të rezultateve paraprake, kur bartësi i listës së PES, Milojko Spajiç, u pyet se me kë do ta bëjnë koalicionin qeverisës, ai ashtu si dhe kryepeshkopi serb e kishte të qartë se me kë nuk do të bëjë koalicion, me DPS-n e Gjukanoviçit dhe Iniciativën qytetare URA.
“Kurrë nuk ka ndodhur që një parti jashtëparlamentare, e cila ekziston që dhjetë muaj, të fitoj ndaj atyre që kanë okupuar resurset,” tha Spajiç ndërsa në pyetjen nëse Bashkimi Europian do ta pranoj koalicionin e PES me listën “Për të ardhmen e Malit Zi” e njohur kjo me plotë ektremistë serbë dhe e afërt me Presidentin e Serbisë Aleksandar Vuçiç, ai nuk u përgjigj vetëm se tha që kjo është pyetje për nesër.
“Mëngjesi është i më i mençur se mbrëmja. Nëse dikush është kritik më i madh se NSD dhe DNP, jam unë. Këtu përgjigja është e qartë. Parimet programore janë më të rëndësishëm dhe duhet ta shohim se kush është dakord me to. Sa më përket mua, përgjigja është e qartë; Parimet programore janë më të rëndësishmet, të shohim se kush janë ata njerëz që duan ta ndërtojmë shtetin, ta zbatojmë programin e ‘Evropa tani 2’, reformat e pensioneve dhe tatimit…”
Ndërkohë për pjesëmarrjen e ulët në zgjedhje, koordinatori i Qendrës për monitorim dhe hulumtim, CeMI, Ognjen Mitroviç, mendon se janë dy arsye:
“Trupi elektoral i Malit Zi është i zhgënjyer, por në pjesëmarrjen e ulët ka ndikuar edhe koha e mbajtjes së zgjedhjeve që përkon me fillimin e sezonit turistik ku një numër i madh i qytetarëve është jashtë vendit ku votojnë.”
Ndryshe, pjesë e kësaj sfide parlamentare do të jenë Genc Nimanbegu nga Aleanca Shqiptare, Nik Gjeloshaj dhe Nikollë Camaj nga Forumi Shqiptar, Mehmet Zenka dhe Drita Lola nga DPS e Gjukanoviçit, dhe Dritan Abazaoviç nga URA aq sa mund të quhet shqiptar!
