Zgjedhjet parlamentare në Kroaci, e djathta bindshëm e para

Me mbylljen e qendrave të votimi për zgjedhjen e përbërjes së dhjetë parlamentare në Kroaci, sonadzhet e nxjerrin HDZ-n e djathtë në pushtet me një rezultat të bindshëm me 61 mandate të fituara, e pasuar me koalicionin e majt Restart me 44 mandate; Miroslav Shkoro me Lëvizjen e tij Domovinski pokret ka marrë 16 mandate, Možemo 8, Most 8, Partia “S imenom i prezimenom” 3 dhe pakicat kombëtare 3.

Zgjedhjet u zhvilluan në kushte specifike për shkak të pandemisë ku maska dhe dorezat ishin të detyrueshme por siç duket as kjo nuk ndikojë shumë në pjesëmarrje.

“Sa më shumë që qytetarët të ushtrojnë të drejtën e tyre për votim, unë si qytetar dhe politikan jam më i lumtur,” tha kryeministri aktual nga HDZ, Andrej Plenkoviç në momentin e votimit ndërsa Davor Bernardiç nga koalicioni i majtë i partive SDP, HSS, HSU, SNAGA, GLAS, IDS, PGS bëri thirrje:

“Çdo votë është e rëndësishme, mos e çoni dëm votën tuaj dhe mos lejoni që dikush tjetër të vendos në vendin tuaj.”

“Katër vjet politikanët marrin vendime e votuesit kanë frikë. Sot votuesit marrin vendime, e politikanët kanë frikë,” tha Miroslav Shkoro nga lëvizja Domovinski pokret (Hrvatski suverenisti, BLOK, HKS, Hrast, SU, Zelena lista).

Ndryshe, në Kroaci dhe jashtë shtetit janë hapur rreth 7.000 qendra të votimit ku ishin të domosdoshme maskat, dorezat dhe stilolapsi personal.

Komisioni Qendror i Zgjedhjeve në orën 21 fillon me publikimin e rezultateve paraprake.