Zgjedhjet presidenciale SHBA, voton Presidenti Trump: Një nder i madh!

Presidenti amerikan Donald Trump, sot ka votuar herët në mëngjes në Florida, për zgjedhjet presidenciale në SHBA.

“Ishte një votim shumë i sigurt. Shumë më i sigurt sesa kur dërgoni një fletë votimi me postë, unë mund t’jua them pse. Çdo gjë ishte perfekte, shumë e rreptë, e drejtë nga rregullat. Kur dërgoni fletën tuaj të votimit me postë, kurrë nuk mund të jetë e sigurt,” u shpreh Presidenti Trump pas votimit, votim të cilin përmes rrjetit social e vlerësoi si një nder i madh:

“Sapo votova. Një nder i madh!”

Ndryshe, rreth 55 milion amerikanë deri më tani kanë hedhur votën e parakohshme pasi koronavirusi e ka bërë votimin personal më problematik.