Zgjuarsia e Edi Ramës, një arsye më shumë për të protestuar!
nga Agim Popoci
Në prag të Samitit BE-Ballkani Perëndimor, kur opozita ka paralajmëruar një protestë me mesazh të qartë për ti bërë prezent përpara botës realitetin dhe rrezikun ekzistencial që kërcënon kombin shqiptar, Kryeministri Edi Rama jep dhe arsye të shumta pse opozita duhet të dal nesër në protestë, pavarësisht se ku e ka imagjinuar Kryeministri, perimetrin e sigurisë.
Përveç kapjes së të gjitha institucioneve dhe paligjshmërisë që nuk pushon, Edi Rama na zbulon përmes “hysni kapove” që ka ndër radhët e tij, që pajtohen dhe ekzaltohen kur i dënon partia, se deri ku e ka degdis këtë shtet, si e asfiksoi opozitën dhe liderin e saj, dhe s’pushoi deri sa e çoi në koshin e plehrave.
Ndërkohë që Kryetari i PD, Sali Berisha, duke ftuar demokratët për protestën e 6 Dhjetorit sot e bëri të qartë se pjesëmarrësit e Samitit nuk mund të garantojnë votën tonë të lirë, por të paktën ta dinë se njeriu që kanë karshi tyre, e ka karrigen e kalbur mbi votat e rrëmbyera të shqiptarëve; Dhe, se nuk mund të na shpëtojnë nga vjedhjet e fondeve publike dhe pasurive publike, por të paktën duhet ta dinë që kur t’i japin dorën atij, të kontrollojnë xhepat, nga gërmadhat e “Prestige resort” të cilin Rama e hodhi në erë ditën e djeshme dhe llahtarisi çdo shqiptar normal dhe jo vetëm, na vjen një mesazh që jep dhe një mori arsyesh pse shqiptarët duhet të protestojnë!
Pasi Edi Rama e hodhi në erë, pronari i këtij resorti, Fania, reagoi duke e cilësuar Kryeministrin si njeri shumë të zotin për t’i mbyllur problemet, shumë të zgjuar madje që ka një zgjuarsi të jashtëzakonshme. Di të argumentojë, mendon vetëm për skema para kundërshtarit. është shumë i qartë dhe i punon truri.
Dhe jo vetëm kaq! Meta e donte shumë, e mburrej me këtë, thotë sot, ish-veshka e dhjamit kriminal Rama-Meta, kur i zgjuari dhe i qarti i hodhi pasurinë e tij në erë!
Sikur gjithë këto marrëzira të dalin nga goja e njeriu të rëndomtë edhe mund të komentohen si çmenduri të një të marri që ka jetuar në komunizmin e Enver Hoxhës, por, kur ato dalin nga goja e altoparlantit të fuqishëm të regjimit të Edi Ramës që ka në pronësi një ndër televizionet me shikueshmëri shumë të lartë në tokën shqiptare, si dhe portalin më të madhe informativ, atëherë çështja bëhet shumë shqetësuese!
Çfarë sheh Fania të zgjuar ose ku është zgjuarsia e Edi Ramës për të bindur 700 mijë shqiptarë për vetëm 9 vjet qeverisje, ta braktisin vendlindjen e tyre; Ose, në fushën e biznesit, si shpjegohet që Edi Rama e merr një situatë energjetike shtetërore të konsoliduar, e anulon fashën orare 600 kwh për familje, duke e konsideruar absurde dhe e rikthen pasi e ka asfiksuar, vjedhur dhe keqpërdorur deri në pafundësi këtë sistem, me fashë 800 kwh! Këtë Fania duhet të na shpjegoj sepse borxhi publik dhe PBB për të janë shkencë, dhe ta ndaloj helmin që i jep shqiptarëve për ta adhuruar Kryeministrin më të dështuar në historinë e kombit shqiptarë, pa folur për ato marrëzitë politike që nuk ja ka haberin, si me Ilir Metën ashtu dhe vjelljes vrer mbi ish-liderin e opozitës, Lulzim Bashën e shkretë, i cili si naiv që është e konsideronte edhe mik!
Ose për Open Balkan! Po, Edi Rama i solli një grusht turistësh serbë tek resorti i tij dhe ai me shumë përkushtim i propagandoi përmes mediave si një arritje e madhe e Open Balkan, por, altoparlanti Fania nuk fliste për shuarjen e blegtorisë shqiptare dhe rritjen e çmimit të qumështit, mishit, dhe fruta-perimeve, që ishin efekt i drejtë për drejtë i këtij projekti kriminal që për autor ka dysnen e zezë Vuçiç-Rama, apo edhe kjo ishte zgjuarsi!
Altoparlanti Fania me mediat e tij heshti edhe kur Rruga e Kombit u bë me lekë, madje filloi edhe ta ndihmoi Edi Ramën duke na treguar se cilat autostrada ishin me pagesë, e pse shqiptarët e Kosovës po mungonin në plazhet shqiptare ky nuk ishte shqetësim vetëm për Fanen!
Po, këtu i ka punuar truri Edi Ramës, por, për të keqen e Kosovës!
Ashtu siç u bisedua po te ky resort, që për fat të keq u zhduk me tritolin e Edi Ramës, për ndarjen e Kosovës, dhe u mendua si sekret. Aq sekret ishte sa vëllai serb i të zgjuarit e bëri edhe publik!
Nu dihet pse, por Fania në rrëfimin e tij kur partia e la pa resort përfshiu dhe Lulzim Bashën, që është gjithashtu një arsye më shumë pse opozita duhet të dal nesër në protestë për ti bërë me dije Edi Rramës se lider opozite të këtij lloji, më nuk do ti shohin sytë!
Duke rrëfyer mbi ngjarjen e shëmtuar të së dielës, kur Edi Rama hodhi në erë pallatin e vjehrrit të Lulzim Bashës në Vlorë, Fania duke e ditur si e gjithë Shqipëria se i kujt ishte pallati, i kishte thënë:
“Të hodhi në erë pallatin,” dhe ai duk e i lënë një shije të keqe ishte përgjigjur:
“Nuk ma hodhi mua, ia hodhi vjehrrit!”
Pra, disa orë pasi Edi Rama i hodhi në erë resortin, Fania e konsideron Kryeministrin Rama me zgjuarsi të jashtëzakonshme ndërsa merret me liderin e opozitës që bëri pis veten, të komanduarin, kafexhiun dhe gjithë dynjanë, për ta nxjerrë tritolin mbi “Prestige resort” si dënim të linjës editoriale kundër qeverisë, ndonëse këto media janë pronë e njërit prej komunistëve më të devotshëm në Shqipëri!
Gjithsesi, arsye për të protestuar është edhe kjo! Ndaj kësaj klike opozitare të Edi Ramës e cila në prag të protestës së 8 Janarit gërthiste se “nuk ka më tokë të xanun në PD” dhe lejon tokë të xanun në zemër të bregdetit shqiptar nga një shërbëtor i Edi Ramës; Nuk dihet pse heshti kjo opozitë e mbaruar, vetëm pse ishte miku i Edi Ramës, Taulant Ballës apo mjaftonte që nuk quhet Sali!
Por, Fania, s’ka pse çuditet më, bedel është, jo vetëm kur i shembën “pallatin e vjehrrit”, por nga dita e parë që shkeli në PD dhe e shkatërroi me themel!
Kjo është arsye tjetër, që nuk ka të bëjë më me Samitin por me Kryeministrin e vendit ku organizohet Samiti BE-Ballkani Perëndimor më 6 Dhjetor, dhe, ja që nuk është shumë i zoti për t’i mbyllur problemet, dhe për këtë arsye radhët e protestuesve sa shkojnë dhe shtohen.
Në fund, sot lideri i PD, Sali Berisha, e cilësoi si “The Prime Thief of Albania”, mund të jetë i tillë nga mënyra se si përfundoi historia me “pallatin e vjehrrit të Lulit” dhe jo vetëm, mund të jetë dhe “The Prime Mobster of Albania” nga mënyra se si i fshiu Fanes resortin nga faqja e dheut, por, një gjë është e sigurtë, në prag të protestës së nesërme, në orën 12:00 para Kryeministrisë, askush nuk po e çan e kokën se çfarë i rreh ë mendja se është Kryeministri me shpurrën e tij dhe ku është perimetri i sigurisë për të cilin flasin asqerët e Edi Ramës, as antievropianizmin për të cilin trumbetojnë bedelët e Ramës dhe mediat që ka në shërbim e ku nuk përjashtoheshin ato të Fanes; Qytetarët e Shqipërisë do ti tregojnë botës perëndimore se çfarë mendimi kanë për dashnorin e Alekssandar Vuçiçit!
A do të mjafton kjo?! Nartyrisht që jo, askush nuk tha se kjo është protesta e fundit opozitare në tokën e shqipeve…
