Zhbllokimi nuk ndodhi, sërish nuk u zgjodh Kryetari i Parlamentit të Kosovës! Palët me akuza të ndërsjella

Me 57 vota për, 46 kundër dhe 3 abstenime, deputetët e Parlamentit të Kosovës vazhduan sot agoninë politike duke refuzuar edhe në përpjekjen e pestë brenda 9 ditësh, që t’i japin fund konstituimit të legjislaturës së nëntë dhe fillimin e numërimit të 60 ditëve për Albin Kurtin që të krijoj qeverinë.

Pas këtij dështimi, palët akuzuan njëra tjetrën, ku opozita ka vërejtje për kandidaten e propozuar nga Lëvizja Vetëvendosje, Albulena Haxhiu, që për herë të tretë nuk e votuan, ndërsa LVV e mbronë propozimin e saj për Kryetare të Parlamentit me arsyetimin se është femra më e votuar në zgjedhjet e 9 Shkurtit ndërsa opozit i rikujton absurditetin e këtij bllokimi sepse me një shumicë Vetëvendosje mund t bllokoj zgjedhjen e Nënkryetarëve.

Ndryshe, kryesuesi i Parlamentit, Avni Dehari, tha se në bazë të rezultateve të votimit kjo kandidate nuk kalon dhe si rrjedhojë seanca ndërpritet dhe do të vazhdojë të premten në orën 11:00.