Zhbllokohen vendkalimet kufitare në Jarinje, Merdare e Bërnjak

Qendra Kombëtare e Menaxhimit Kufitar të Kosovës bën të ditur se sot nuk janë të bllokuara vendkalimet kufitare Jarinje, Merdare dhe Bërnjak.

Sipas njoftimit, hyrje-daljet në këto pika kufitare zgjasin tre deri në pesë minuta, po ashtu nuk ka kolona të automjeteve.

Ndryshe, të hënën këto tri pika kufitare kanë qenë të bllokuara për shkak të protestave në territorin e Serbisë, kjo ishte dhe arsyeja që qytetarëve iu bë thirrje të shfrytëzoheshin pikat e tjera kufitare.