Zhgënjimi “Hako”!

nga Agim Popoci

Pa përfunduar mirë “E diela” ku flitej për mrekullinë Hako me “Qofte si n’kohën e Xhaxhit”, derisa veteranët dhe sigurimsat po fërkonin duart për aksionin e ri propagandistik të cilin e paska shpikë partia, rilindasit u dyndën drejt sallamerive për të shijuar mrekullitë e parajsës komuniste për të cilat etërit e tyre kanë rrëfyer. Por, fatkeqësisht, ky klon tashmë më i rrezikshmi i kriminelëve komunist shqiptar që u pagëzua “rilindje”, pa e vërejt mungesën e veteranëve dhe sigurimsave në radhë për të blerë “Qofte si n’kohën e Xhaxhit”, u përballën me një zhgënjim të thellë.

Duke qenë të vetëdijshëm se në kohën e Xhaxhit mishin vetëm mund ta ëndërronin, ata fillimisht pritën qofte preshi ose patateje, por përveç motos asgjë nuk kishte të bënte me pritshmëritë e tyre.

Por, rilindasit nuk dorëzohen! Blenë ca prej këtyre Qofteve por zhgënjimi filloi të thellohet edhe më tej. Duke pasur parasysh një kompani e cila është themeluar në vitin 1994 dhe në promovimin e saj thekson se është rritur dhe zhvilluar falë kërkesave dhe sugjerimeve të konsumatorëve duke i konsideruar ata partnerë të rëndësishëm të biznesit, dhe ka një kapacitet me mbi 4000 ton prodhim në vit me mbi 200 punonjës, rilindasit si mjeshtër të propagandës nuk e kishin të qartë pas të Dielës, se çfarë është kjo kompani që në mesin e saj nuk ka të paktën një kriminel komunist, që kur e thotë është i tillë e mbanë dhe fjalën me patjetër Qoftet i bënë si n’kohën e Xhaxhit.

Çfarë qofte do të shijonin më shumë rilindasit se ato me mish ballisti, të cilët  ç’është e vërteta etërit e rilindasve komunist i vranë me bollëk por nuk kishin një Hako ose një ekspertë reklamash si ky i kësaj kompanie, që t’ju ndezin llambën e ideve se mishi është që është, mund ta bëjnë edhe Qofte. Por, jo! Hako dhe ekspertët e tyre të reklamave arrijnë të shohin se deri në çfarë mase përbuzen pasardhësit e ballistëve që lanë pasurinë dhe jetën për këtë atdhe, dhe si e shijojnë rilindasit këtë sjellje të neveritshme të liderit të tyre, kur bijtë e etërve ballistë i futën edhe me dhunë në parlament për ti shërbyer, por nuk e kuptojnë se si mund të pëlqehet një Qofte nga rilindasit kur nuk ka të bëjë me asgjë balliste!    

Përbërja e Qofteve nuk ishte as me mish të përndjekurish politik nga Spaçi dhe as nga Burreli, për të cilët rilindasit janë aq shumë të angazhuar dhe i bënë  copash. Lajmi për Qoftet si n’kohën e Xhaxhit u kishte vënë në lëvizje aq shumë imagjinatën, sa as mjeshtrit komunist të dhunës, Nevzat Haznadari dhe Mehdi Bushati, nuk do ta çonin nëpër mend, por, sërish zhgënjim. Mirë të përndjekurit politik, por Qoftet nuk ishin as me mishin e qenit famëmadh Tarti, i cili guxoj ti mbështes të burgosurit në Revoltën e Spaçit.

Dhe jo vetëm kaq! Rilindasit e ri që e shtypën me këmbë FRESSH-in, kishin dëgjuar për makabritetet e kampeve të internimit dhe u ekzaltuan kur dëgjuan se Hako bënë Qofte si n’kohën e Xhaxhit. Jo se pritën ti shijonin si ato në Bllok por të paktën si në Tepelenë ose Savër, që vazhdon të jetë në subkoshiencën e tyre. Por, sërish zhgënjim! Rilindasit e konsiderojnë të natyrshme dhe nuk reagojnë pse gjaku i foshnjave  shqiptare ishte përdorur për ripërtrirjen e gjakut të Xhaxhit, por rilindasit nuk e kuptojnë pse ndonjërën nga copat e mishit të internuarve më të moshuar nuk mund  ta shijonin, përderisa këta të internuar vazhdojnë ti shkelin me këmbë, në mënyrë shumë më të sofistikuar se krimineli, Xhaxhi. Madje sikur ky kriminel do të ishte gjallë, do tu kishte zili rilindasve dhe liderit të tyre!    

Qoftet si n’kohën e Xhaxhit, si ide, mund të jetë pëlqyer dhe ekzaltimi për realizimin e kësaj ideje dhe pranisë në treg, të mos i ketë lënë vend logjikës, por, kjo ide nuk prodhoi vetëm zhgënjim rilindas, por edhe fyerje të viktimave të tyre që sot vazhdojnë të vuajnë vetëm pse Xhaxhi deshi ashtu.

Qoftet n’kohën e Xhaxhit, tashmë është e qartë se i kanë shijuar vetëm kriminelët komunistë, po këta kriminelë ose bijtë e tyre që mbajnë sot nën kontroll paratë e ekonomisë së këtij vendi, dhe për pasojë nuk e lënë këtë vend të ecë përpara.

Në fund, rilindasit mund të vazhdojnë ta projektojnë këtë kohë në kokat e tyre si ide gjeniale. Por, jo kohën, por as Qoftet e kësaj kohe do zoti, as kundërshtari më i madh i shqiptarëve të mos i provojë! Ajo kohë nuk është për njerëz! Qoftë e harruar edhe për Hako-n!!!