Zhvillimet në PD, Berisha: Alibeaj dhe të tjerë të kapur këmbë, krye dhe xhep nga qeveria!

Përpjekja e tmerrshme për të kapur peng pluralizmin dështoi nga deputeti Enkelejd Alibeaj dhe grupi i tij, të kapur këmbë, krye dhe xhep nga qeveria, tha kryetari i PD, Sali Berisha, në konferencën e përjavshme duke folur për keqshfrytëzimin e Alibeajt dhe Bardhit për të çimentuar pushtetin e krimit të Edi Ramës.

“Së pari siç e keni konstatuar ju janë tre votime me rreth 40-44 mijë anëtarë të përsëritura, të pakundërshtuara nga asnjë njeri në asnjë rast, por në këtë mes, një grup i vogël, ndër ta ish-kryetari dhe 2-3, ky Alibeaj dhe të tjerë të kapur këmbë, krye dhe xhep nga qeveria thonë se kjo gjë nuk ka ndodhur, nuk janë të vërteta. E vërteta është se kjo lojë dështoi në mënyrë përfundimtare se ishte një përpjekje e tmerrshme për të kapur peng pluralizmin. Nuk ishte puna e Sali Berishës. Gjithë loja ishte të mos kishim pluralizëm politik, apo të kemi pluralizëm që e komandojmë si me sustë.

Çfarë tha Alibeaj dje? Alibeaj dje tha në mbledhje se kam 21 deputetë, unë kam kuorumin këtu. Para 10 ditësh, grupi parlamentar tha ka 40 deputetë dhe ne ishim 21 dhe kisha kuorumin, por dje në mbledhje ishin 4 deputetë që nuk i përkisnin grupit parlamentar të PD-së sepse PD-ja sipas rregullores së parlamentit ia ka dhënë grupeve të tjera, një praktikë standarde. Pra, për të pasur kuorumin mbledhja e tij, duhet të paktën të kishte 27 deputetë. Por atij kur i intereson thotë e kam me 40 deputetë grupin, kur nuk i intereson thotë se grupi ka kourumin. Një sharlatan që ka mungesë totale respekti për veten e tij. Keqpërdoret në mënyrë ekstreme nga Edi Rama. Harron se ka pasur funksione të rëndësishme dhe në qeveri dhe kur bën akte të tilla vetëm sa shkelmon mbi veten e tij.

Ajo që mund t’u them unë, mrekullia shqiptare e shekullit të 21-të ishte pikërisht shpëtimi i pluralizmit politik, nuk ishte rikthimi i Sali Berishës, jo. Ishte rivendosja e pluralizmit politik,” tha Berisha duke akuzuar Kryeministrin Edi Rama me lojën e ulët të Ramës që bënë me pseudopozitën.

“Kurrë nuk do të mund të varrosin votat e  40 mijë shqiptarëve të lirë, me asnjë lloj vendimi. Përpjekja për të groposur vullnetin e 40 mijë anëtarëve është e turpshme. Loja e ulët e Ramës me pseudopozitën. Përpjekjet janë keqshfrytëzim i Alibeaj dhe Bardhit për të çimentuar pushtetin e krimit të Ramës. Kjo është një lëvizje, mbaron procesi dhe jemi të gatshëm të mbrojmë parimet që besojmë dhe do ta faktojmë. Loja me pseudo opozitë është makabër, përpjekja për të lënë Shqipërinë pa opozitë e turpshme dhe antidemokratike.”

Shqipëria, tha Berisha, pushon së funksionuari si një shtet me drejtësi në 3 shkallë, e Edi Rama me Engjëll Agaçin janë bërë tani gjykatësit supremë me këtë vendim turpi dhe antikushtetues.

“E sigurt dora e zezë e Delinës, me West Institute, që të gjithë militantë të PS të klubit juridik ‘Qemal Stafa’ do përzgjedhë përsosmërisht kundrejt barrëve të rënda, ryshfeteve etj. se kush do falet dhe kush s’do falet. S’ka nevojë për gjykatës. Tani dalin Delinistët. Prej 7 vitesh Gjykata e Lartë edhe sot funksionon nga 2-3 që kishte ka gjithsej 13 gjykatës pavarësisht stokut të tmerrshëm të dosjeve që janë krijuar.

Mazhoranca nuk plotëson vendet pa asnjë pengesë nga askush tjetër. Pse e bën këtë, sepse do gjykatës të klonuar alla Sadush, si i thanë alla Dvoran, Dvorani është akoma lojtar rezervë. Stoku, në vend se të plotësohej gjykata me 19 gjykatës, përzgjidhet me falsifikime individë nga Rama dhe Agaçi për t’u vendosur në gjykatë, por zgjidhja është gjetur o burra të hapim tenderin e fundit të turpshëm që të vjelim miliona, miliona, miliona euro në çështjet civile duke ua faturuar tërësisht këtë në kurriz qytetarëve shqiptarë, taksapaguesve shqiptarë. Shqipëria pushon së funksionuari si një shtet me drejtësi në 3 shkallë. Përkundrazi shkallë supreme e drejtësisë tani është Edi Rama dhe don Agaçio. Janë bërë tani gjykatësit supremë me këtë vendim turpi dhe antikushtetues,” tha Kryetari i PD duke folur dhe për revokimin e vendimeve të Gjykatës së Lartë:

“Ju duhet ta dini se gjykata në kundërshtim me Kushtetutën ka hapur praktikën e revokimit të vendimeve të Gjykatës së Lartë në seancë, tani kalon në seancë këshillimi, pa i njoftuar palët. Do të thotë që një ditë prej ditësh ti e gjen veten pa shtëpi, e gjen veten pa pronë, e gjen veten pa ortakëri në biznes sepse nuk ftohesh më në gjyq. Nuk besoj se në kohërat më të errëta të diktaturës të ketë ekzistuar kjo formë, kaq perverse, kaq antiligjore, kaq antikushtetuese. Do prisni ju vendimet në fletore zyrtare. Nuk mund të ketë degradim të drejtësisë në këtë shkallë siç thotë në këtë vendim,” tha Berisha duke shtuar se përmes kësaj praktike Sado Gjykata po cenon rëndë procesin e rregullit ligjor, duke shkelur rëndë parimin e sigurisë juridike.

“Nuk ka shtet ligjor pa sigurinë juridike. Të gjitha vendimet pa sigurinë juridike, janë vendime në letër. Ky plan i qartë është përgatitur nga Sadushi në bashkëpunim me Agaçion për të shkelur me këmbë të drejtat e qytetarëve shqiptarë duke i zvarritur me vite për çështje që kanë ardhur koha të dëgjohen.

Së fundi, plani i qartë i masave i koordinuar mes Sadushit, Edi Ramës dhe Don Agaçio është groposja e rekurseve të institucioneve shtetërore, kompanive ku ka më shumë se 50% aksione shteti apo avokaturës së shtetit që mbron interesat pasurore të shtetit me justifikimin e reformës në drejtësi.”

 “Banda paguan dhe këta mbyllin vrasje,” tha kryetari i PD, Sali Berisha, duke pyetur se shkoi prokurori që mashtroi shqiptarët ndërsa kërkon zbardhjen e ngjarjes së Elbasanit.

“A dini ju ku shkoi prokurori që mashtroi shqiptarët që tha se nuk kishte material zgjedhore aty ku u bë gjak. Ku është ai në SPAK, në skapin e partisë, a nuk ju thotë kjo që SPAK shndërrohet në strofull të kriminelëve. Për llogari të kujt gënjeu Alfred Shehu. Banda paguan dhe këta mbyllin vrasje, njerëz që vriten tek pragu i shtëpisë tyre, një nga këta është Alfred Shehu. I bëj thirrje edhe Besjan Xhixhës të rrëfehet për lidhjet politike, të deputetëve e ministrave dhe me dyshimin më të madh të hetimit që SPAK po i bën çështjes, po bën mburojën e denoncimeve politike në një kohë kur ato dihen.

S’ka nevojë ti thotë, Nexhmedini…(Nuredin Dumani). E shihni ju që Dumani është i penduar…E kuptoni ju që lidhjet e Ramës me Vuçiç janë lidhje krimi…Të gjitha vrasjet…Keni dëgjuar Don Lalën ti dalë kundër…Çfarë është Don Lala? Është Edi Rama i Elbasanit, a ka thënë gjë SPAK? Por amund të bëhet gjë aty pa thënë Don Lala? Ndaj them që Nuredin Dumani është fytyra e vërtetë e qeverisë, i bëj thirrje të rrëfehet. Kjo është qeveria e Edi Ramës!”

Për krimet në Elbasan ai ndërlidhi edhe deputetin Gazment Bardhit i cili për të shpëtuar shpirtin e tij për vrasjen në këtë qytet, sot kundërshtoi ashpër propozimin e Simon Mirakës si anëtar i Autoritetit të Dosjeve vetëm pse mbante firmën e Berishës.

“Gazment Bardhi lufton për të shpëtuar shpirtin e tij. Unë e kuptoj luftën që bënë për të shpëtuar shpirtin, por është i pashpresë. Është i pashpresë. Të zbardh njëherë, të mos i thur lavde SPAK-ut, po të zbardh pak rolin e tij në vrasjen në Elbasan. E them sepse ai nuk ishte…askush nuk është për t’u vrarë. Ne jemi vend që nuk kemi dënime me vdekje. Bardhi dhe Balla janë përgjegjës direkt politik për atë gjakderdhje në një lagje që mund të mos ketë pasur gjakderdhje ndonjëherë. Ndaj të shkoj të japë sqarime.”

Në fund, ai saktësoi se sot do të shqyrtohen kandiatura dhe nesër Këshilli Kombëtar vendos për anëtarët e Kryesisë.

“Do vendoset, më së shumti kryesia, më pas në një mbledhje pasuese do të zgjidhen nënkryetarët, sekretarët e partisë, i përgjithshmi. Më pas të tjerët, muajin tjetër. Procesi që po kalon PD është jetik për Rithemelimin e saj. Keni shumë të drejtë, është kohë e humbur për protesta, kujtojmë edhe vrasjet në Komisariat, droga është bërë normë në Polici dhe Edi Rama ka urdhëruar ndalimin e testit të drogës dhe kjo është gjëja më kriminale dhe faktikisht dy vrasjet janë të lidhura me drogën dhe nuk do të mbetet pa u dëgjuar fjala për protesta.”