Zjarr i madh në Krime pas sulmit me dron

Një zjarr i madh shpërtheu sot në një depo karburanti në Sevastopol të Krimesë në Ukrainë.

Autoritetet e portit kryesor në Gadishullin e Krimesë, thanë se shpërthimi ishte rezultat i një sulmi me dron.

Sevastopol, shtëpia e flotës ruse të Detit të Zi i pas aneksimit nga Moskadhe, raporton RFE, është goditur nga një seri sulmesh me dronë që kur ofensiva e Rusisë në Ukrainë filloi vitin e kaluar.

Zyrtarët rusë kanë fajësuar për sulmet Ukrainën.

Ndërsa, një zëdhënës i forcave të armatosura të Ukrainës tha se nuk kishte asnjë informacion që të sugjeronte se Ukraina ishte përgjegjëse për zjarrin

“Një depo karburanti është në zjarr në rrethin e Gjirit Kazakia të qytetit port të Krimesë, Sevastopol,” tha përmes rrjetit social Telegram, Guvernatori i gadishullit i emëruar nga Rusia, Mikhail Razvozhajev.

Ai tha se gjerësia e zonës së kapluar nga zjarri ishte “rreth 1000 metra katrorë” dhe publikoi imazhe të reve të mëdha tymi që ngriheshin në ajër.

Razvozhajev u bëri thirrje banorëve të Krimesë të “qëndrojnë të qetë” dhe në një postim të mëvonshëm tha se “askush nuk u lëndua”.

Ai tha se autoritetet e kanë “situatën nën kontroll” dhe tha se nuk kishte asnjë kërcënim për infrastrukturën civile.

Në fillim të kësaj jave, rapoton RFE, Rusia tha se kishte zmbrapsur një sulm me dron në port.

Rusia aneksoi Krimenë nga Ukraina në vitin 2014.