Zjarr në një kamp migrantësh në Mitrovicë

Gjashtë refugjatë kanë kërkuar ndihmë mjekësore pas shpërthimit të zjarrit në një kamp migrantësh që ndodhet në Lagjen Bajr të Mitrovicës.

Zëdhënësi i Policisë së Kosovës për rajonin e Mitrovicës, Avni Zahiti, e ka konfirmuar incidentin.

“Në mëngjes është raportuar se është përfshirë nga zjarri një shtëpizë e banimit. Rasti konsiderohet si incident zjarri, shkaktim i rrezikut. Por, në këto rrethana duhet t’i presim hetimet”, tha Zahiti.

Zahiti tha se nuk mund të japë më shumë detaje për këtë rast, pasi, sipas tij, duhet të priten rezultatet e hetimeve.

Ndryshe, ky kamp i migrantëve menaxhohet nga Ministria e Punëve të Brendshme e Kosovës. Muajve të fundit, raporton RFE, është rritur numri i migrantëve nga vendet e Lindjes së Mesme që qëndrojnë apo shfrytëzojnë Kosovës si vendkalimi në rrugëtimin e tyre drejt vendeve evropiane.