“Zjarr në Zyrën e Prokurimeve në MSH”, Manastirliu: Tymi del nga koka e Kryetarit të PD!
Pas deklaratës së Kryetarit të Partisë Demokratike, Lulzim Basha se ka rënë zjarri tek zyra e Prokurimeve në Ministrinë e Shëndetësisë, ka reaguar ministrja Ogerta Manastirliu duke mohuar zjarrin dhe duke vazhduarme fjalorin e shefit.
“Nuk ka asnjë zjarr në Ministrinë e Shëndetësisë,” thekson Ogerta Manastirliu duke vazhduar me tymin, zjarrin dhe organet e liderit të opozitës:
“Tymi i zjarrit imagjinar që po shihni dhe dëgjoni, del nga koka e Kryetarit të PD. Dikush duhet t’i hedhë ujë në sy që ta zgjojë nga gjumi.
Ndryshe, Kryetari i Partisë Demokratike, Lulzim Basha, sot tha se para disa ditësh ka rënë zjarri tek Zyra e Prokurimeve në Ministrinë e Shëndetësisë pasi kishte parajamëruar se arsyeja kryesore përse Edi Rama nuk publikon, siç e ka për detyrë, ofertat, kontratat e tenderave sekretë është, sepse po manipulon të dhënat. Siç duket, tha Basha, nuk ia kanë dalë dot me manipulimin dhe u kanë vënë flakën por uron që të kenë mbetur mjaftueshëm gjurmë.
