Zjarret në Athinë, numri i viktimave arrin në 54/ Publikohet harta e zjarreve dhe…

Numri i viktimave nga zjarret që përfshinë periferinë e Athinës një ditë më parë arriti në 54, ndërkohë që mbi 150 persona të tjerë rezultojnë të plagosur.

Vetëm në një vend pranë një restoranti në Mati të Atikës janë gjetur 26 trupa njerëzish të djegur, midis tyre edhe fëmijë. Mediat greke raportojnë se mes të plagosurve 15 janë në gjendje të rëndë, çka paralajmërohet një rritje e numrit të viktimave.

Spitalet e Athinës janë vënë në gjendje emergjence, ndërkohë që ambulancat vazhdojnë të dërgojnë të plagosur dhe trupa të viktimave.

Mediat greke kanë publikuar hartën e zjarreve, që u përhapën me shpejtësi për shkak të erës. Qindra shtëpi dhe automjete janë shkrumbuar, ndërsa autoritetet kanë kërkuar ndihmën e BE për përballimin e situatës së rëndë.