Zjarrfikësi me foshnjen në krah/ E vërteta e fotos që përloti përdoruesit e rrjetit…

Të hënën pasdite zona turistike e Matit në periferi të Athinës u përfshi nga flakët e zjarrit, të cilat nga përmasat shkaktuan tragjedinë më të madhe në Greqi të dekadave të fundit. Të paktën 77 persona humbën jetën, mbi 100 konsiderohen të zhdukur, ndërsa 180 të tjerë janë të plagosur.

Pamjet tronditëse që përcilleshin nga mediat greke tregonin atë se ccfarë kishte ngjarë në një nga zonat me mbi 1500 shtëpi, që sot është e shkretuar.

Në rrjet qarkulloi një foto tronditëse, ku shfaqej një zjarrfikës me një fëmijë të mitur në krah. Në fakt foto në fjalë nuk i përket tragjedisë së Matit, por një tjetër tragjedie, asaj të ndodhur në 1988 në Saint Louis, SHBA.

Foto ka fituar çmimin Pulitzer dhe është bërë nga Ron Olshëanger. Vetë Olshëanger që e ka shkrepur këtë moment, vdiq në 29 prill 2018 në moshën 81-vjeçare.

Më 30 dhjetor 1988 ai ishte me kamera në dorë kur një zjarrfikës i Saint Louis, Adam Long, doli nga një ndërtesë që po digjej në Central Ëest End me trupin e brishtë të Patricia Pettus në krahun e tij të djathtë.

Kamera e fotografit kapi momentin kur Long po përpiqet ta ringjallte foshnjen. Atë ditë ajo kishte ditëlindjen, mbushte 2 vjeçe. Gjashtë ditë pas zjarrit, Patricia vdiq në spital.