Zjarri i Kalifornisë, më i madhi në historinë e shtetit…

Zjarret binjake në Kaliforni, të njohura si zjarri i kompleksit Mendocino, konsdierohet si zjarri më i madh aktiv në historinë e shtetit, cili u përhap me shpejtësi në ditët e fundit dhe djegu 283.800 hektarë tokë – një zonë pothuajse sa madhësia  e Los Angeles, raporton BBC.

Zjarrfikësit po merren me 16 vatra të mëdha në të gjithë shtetin mes motit të nxehtë, erërave të forta dhe lagështirës së ulët. Janë më shumë se 14.000 zjarrfikës dhe qindra ushtarë amerikanë që po luftojnë me zjarret në të gjithë shtetin. Aktualisht raportohet për të paktën shtatë të vrarë në zjarrin Carr në veri të Kalifornisë.

Meteorologu Kombëtar i Shërbimeve të Motit, Brian Hurley ka paralajmëruar se kushtet nuk do të përmirësohen menjëherë, dhe temperaturat do të shkojnë deri në 43 gradë Celsius.

Zyrtarët loakl theksojnë se zjarri i kompleksit Mendocino, i cili përbëhet nga dy zjarre të përafërta, e ka tejkaluar Thomas Fire të vitit të kaluar për t’u bërë zjarri më i madh në historinë e shtetit.
Zëvendësshefi i Departamentit Kaliforni të Pyjeve dhe Mbrojtjes nga Zjarri, CalFire,Scott McLean, i përshkroi zjarret si “jashtëzakonisht të shpejta, jashtëzakonisht agresive, jashtëzakonisht të rrezikshme”.
Deri më vetëm 30% e zjarreve janë nën kontroll, ndërsa autoritetet paralajmërojnë se mund të marrë edhe një javë që ato të jenë plotësisht nën kontroll.
Ekspertët thonë se viti 2018 ka fillimin më të keq të sezonit të zjarrieve në 10 vjet e fundit, që pjesërisht po ndodhë edhe për shkak të thatësirës 2012-2017.