“Zjarri ra”/ PD publikoi email-in, Ministria komuniste e Shëndetësisë i jep leksion shqiptarëve si ta lexojnë!
Pas publikimit të emailit zyrtar të Ministrisë së Shëndetësisë nga ana e Partisë Demokratike, ku shihet qartë se zjarri ka rënë 15 Prill dhe se janë djegur letra në katin e katërt ku ndodhet dhe Zyra e Prokurimit, reagon Ministria komuniste e Shëndetësisë, jo në Kore të Veriut por në Shqipëri, dhe u thotë shqiptarëve se si duhet ta lexojnë emailin e publikuar duke hedhë poshtë aludimet dhe shpifjet e PD sepse kërkon të manipulojë opinionin me histori djegie letrash në korridore.
“Në përgjigje të akuzave të Partisë Demokratike, Ministria e Shëndetësisë dhe Mbrojtjes Sociale sqaron se nuk ka rënë zjarr në institucion,” ndërsa emailin e publikuar të cilin e quan të rëndomt i cili u dërgohet institucioneve për t’u tërhequr vëmendjen punonjësve, thotë se “ra sinjali i alarmit për zjarr”!
“’Zbulimi’ i bërë sot nga PD i referohet një emaili ‘tërheqje vëmendje’ të para 26 ditëve, nga përgjegjësja për sigurinë në ministri, e cila i është drejtuar stafit pas një incidenti të shkaktuar nga një punonjëse,” thekson Ministria komuniste e Shëndetësisë por emaili i rëndomt thotë se pas alarmit i cili ra, jo që nuk ra zjarr, por pasi ra zjarri, stafi i i shërbimeve dhe kompania e shërbimit të ruajtjes me roje, “gjetën letra të djegura dhe të shuara me ujë” ku tymi, jo ai “i kokës së Lulzim Bashës”, siç thoshte ministrja Ogerta Manastirliu duke mohuar zjarrin, “kishte aktivizuar sinjalin e alarmit.”
Të gjithë ata që e lexojnë ndryshe emailin zyrtar të cilin e publikoi Partia Demokratike, sipas Ministrisë komuniste të Shëndetësisë të drejtuar nga Ogerta Manastirliu, lexojnë aludime dhe shpifje të PD.
Se kush kërkon të manipulojë opinionin, sërish po ju sjellim në vëmendje emailin zyrtar të publikuar, i cili nuk u mohua por tha se “dërgohet rëndom nëpër institucione për t’u tërhequr vëmendjen punonjësve.”
Reagimi i Ministrisë Shëndetësisë dhe Mbrojtjes Sociale:
Në përgjigje të akuzave të Partisë Demokratike, Ministria e Shëndetësisë dhe Mbrojtjes Sociale sqaron se nuk ka rënë zjarr në institucion. “Zbulimi” i bërë sot nga PD i referohet një emaili “tërheqje vëmendje” të para 26 ditëve, nga përgjegjësja për sigurinë në ministri, e cila i është drejtuar stafit pas një incidenti të shkaktuar nga një punonjëse, ndaj të cilës më pas është marrë masë administrative.
Ministria e Shëndetësisë dhe Mbrojtjes Sociale hedh poshtë aludimet dhe shpifjet e PD, që kërkon të manipulojë opinionin me histori djegie letrash në korridore, kur e di i madh e i vogël se çdo dokument zyrtar ruhet në Protokollin e Ministrisë dhe të çdo institucioni. Duke bërë publik këtë email, i cili dërgohet rëndom nëpër institucione për t’u tërhequr vëmendjen punonjësve, PD ka demonstruar edhe një herë se protokollet e sigurisë dhe masat disiplinore në MSHMS, funksionojnë më së miri.
Sikundër e kemi deklaruar që në krye të herës, Ministria e Shëndetësisë është e hapur për çdo hetim nga organet e drejtësisë. Njëkohësisht, i bëjmë në mënyrë të përsëritur thirrje PD që të ndalë fushatën e shpifjeve dhe të presë me durim fjalën e drejtësisë!
