Zjarrvënie e qëllimshme, 7 makina në zjarr

Mbrëmë në Zagreb i është vënë zjarri 7 makinave në 3 zona të ndryshme, bëjnë të ditur zjarrfikësit e kryeqytetit të Kroacisë. Dyshohet për zjarrvënie të qëllimshme ndërkohë policia është në vendin e ngjarjes

Rasti i parë ka ndodhë në orën 3:07 të Kajfeshov brijeg. Aty i është vënë flaka tri makinave. Mendohet se zjarri është vënë një makine më pas zjarri është përhap edhe tek dy makina të tjera.

Më pas, në rrugën Veslaçka, në orën 4:28 i është vënë zjarri një makine dhe kanë pësuar dy të tjera.

Dhjetë minuta më vonë i është vënë zjarri një makine në rrugën Gradishçanska në rajonin e Çrnomercit.

“Sot, në mes të orës 3 dhe  4 të mëngjesit, në tri zona të ndryshme, në Çrnomerc, Kajfeshov brijeg dhe rrugën Gradishçanska si dhe në Trnj në rrugën Veslaçka, për momentin në mënyrë të panjohur ka shpërthyer zjarri në disa makina. Zjarri është fikur nga zjarrfikësit, persona të lënduar nuk ka në asnjërin prej tre rasteve. Zyrtarët e policisë janë në vendin e ngjarjes, dhe këqyrja do të përcaktojë rrethanat që shkaktuan zjarrin,” thekson policia e Zagrebit përmes një njoftimi.

Ndërkohë zjarrfikësit kanë bërë të ditur se mbrëmë në Dubravë, në vendparkimin i cili ndodhet  në rrugën Otoçka, është djegur edhe një furgon  por ky rast nuk ndërlidhet me djegien e 7 makinave në Zagreb