Zotimet në 100 ditët e para, Berisha nga Kukësi: Trau në Rrugën e Kombit do hiqet javën e parë të qeverisjes

Izolimin e Qarkut të Kukësit e cilësoi turp, Kryetari i Partisë Demokratike, Sali Berisha, ndërsa u zotua solemisht para demokratëve të këtij qarku se trau në Rrugën e Kombit do hiqet brenda javës së parë të qeverisjes ndërsa garantoj se furnizimi me ujë do të jetë një përparësi absolute sikundër infrastruktura nga Kalaja e Dodës gjer në kufi me Dukagjinin.

“Askush më shtrenjtë se ju nuk e ka paguar dashurinë për vendin, për Kukësin, për Hasin, për Tropojën, për Shqipërinë. Por faktikisht atij çmimi i detyrojmë sot ne ekzistencën si komb krenar, komb shqiptar.

Projekti ynë është një projekt që kërkon të ndryshojë jetën e çdo shqiptari. Ky projekt nis së pari aty ku zemra e njeriut ka edhe anën e vet më njerëzore, tek dhembshuria, tek dashuria për njëri-tjetrin. Ndaj dhe ne kemi paketën e dhembshurisë. Me këtë paketë, ne zotohemi 100 ditët e para, çdo pensionisti, çdo njeriu në ndihmë ekonomike, çdo studenti, çdo jetimi, çdo fëmije të tretë dhe të katërt në familje, do t’i vendoset minimumi jetik 200 euro.

U jap fjalën e nderit se hyrja juaj do jetë madhështore. Se trau do hiqet javën e parë. Se nuk do paguani asnjë qindarkë. Jo, asnjë qindarkë. Dhe se Kukësi, do përsëris prapë premtimin tim, do ketë një nga pallatet e sportit më të bukura në Shqipëri. U garantoj se potenciali juaj turistik është i jashtëzakonshëm.

Energjia elektrike do ulet për biznesin ne 6 lekë, për konsumatorin në 7 lekë. Do falen të gjitha gjobat, kamatat dhe çdo gjë tjetër. Ky është programi i Shqipërisë Madhështore,” tha Kryetari i Partisë Demokratike ndërsa për tre javët e mbetura deri te dita e madhe ka një porosi konkrete.

“Të trokasim në çdo derë, të takojmë çdo mik, të telefonojmë çdo të njohur, të bëjmë gjithçka për t’i paraqitur këtë projekt, i cili është një mundësi për çdo shqiptar. Një mundësi reale për pensionistët për një jetë më të mirë. Një mundësi reale për të rinjtë për shkollim, punësim, strehim, për të ndërtuar ëndrrën e tyre në Shqipëri. Një mundësi reale për familjet shqiptare për të mos u detyruar për të larguar fëmijët e tyre jashtë. Një mundësi reale për biznesin për të pasur të ardhura më sumë dhe zgjeruar atë. Një mundësi reale për rrogëtarët.

Dhe u them unë këtyre rrogëtarëve të administratës, mos e dëmtoni veten, mos u bëni patronazhistë, por qëndroni njerëz dinjitozë sepse ju në 100 ditët e para të gjithëve u rriten rrogat 13 përqind me vendosjen e taksës 10 përqind. Një mundësi reale për fermerët, për bizneset, mundësi për çdo shqiptar,” tha Kryetari i Partisë Demokratike, Sali Berisha, duke përfunduar:

“Ndaj dhe të bëjmë natën ditë, të djersimë, të lodhemi. Kësaj here jo si politikanë, jo si kandidatë, por si misionarë që të gjithë. Misionarë të shpëtimit të Shqipërisë. Misionarë të këtij projekti që e bën Shqipërinë Madhështore. Që e bën Kukësin, Hasin, Tropojën madhështore. Nderim të madh banorëve të këtij qarku. Rroftë Shqipëria. Fitore, fitore, fitore.”

Fjala e plotë:

Të dashur qytetare dhe qytetarë, banorë të Kukësit, Hasit dhe Tropojës, përshëndetjet më të zjarrta, mirënjohjen më të pakufishme ndaj jush për këtë pritje fantastike.

Për këtë mesazh madhështor që përcillni sonte në mbarë Shqipërinë, në çdo votër, në çdo zemër shqiptare, mesazhin e shpresës, mesazhin e fitores së shkëlqyer të datës 11 maj

Unë vij të paraqes këtu tek ju projektin e Aleancës për Shqipërinë Madhështore, aleancës më të fuqishme që vendi ka njohur gjer sot, që grumbullon 25 parti politikë.

Aleancë, e cila me projektin e saj ka vendosur t’i japë përgjigjen flakë për flakë, më të vendosur, më të sigurt, problemeve madhore me të cilat përballen sot qytetarët shqiptarë.

Është e vështirë që në kohëra të zymta të flasësh për madhështi, por është fatale të harrosh madhështinë mbi të cilën je ngritur.

Kukësi, Hasi, Tropoja, por edhe mbarë Shqipëria, kanë në historinë e tyre, kanë në trashëgiminë e tyre akte ndër më madhështoret.

Kanë në trashëgiminë e tyre pasuri ndër më përralloret.

Kanë realisht potenciale nga më të jashtëzakonshmet për të cilat nuk mund t’i kenë lakmi askujt.

Pra ky projekt i Shqipërisë Madhështore bazohet në një trashëgimi madhështore që kemi ne.

Bazohet në një pasuri të jashtëzakonshme që kemi, në potencialet e mëdha, të cilat ne nuk kërkojmë gjë tjetër veçse t’i shndërrojmë në të mira për qytetarët e Kukësit, Hasit, Tropojës dhe Shqipërisë.

Miqtë e mi, këtë projekt ne e nisim me shtetin patriotik, me shtetin patriot.

Shteti patriot është shteti i burrave dhe grave që e duan dheun e tyre, e duan vendin e tyre.

Burrave dhe grave që besojnë se dashuria për vendin, për dheun e tyre, për Hasin, Kukësin dhe Tropojën, është Leva e Arkimedit për të shumëfishuar energjitë e tyre.

Për të shumëfishuar besimin, për të bërë të mundur, të pamundurën.

Për të shndërruar këto treva të bekuara në treva të begata për banorët e saj.

Miqtë e mi, askush më shtrenjtë se ju nuk e ka paguar dashurinë për vendin, për Kukësin, për Hasin, për Tropojën, për Shqipërinë.

Por faktikisht atij çmimi i detyrojmë sot ne ekzistencën si komb krenar, komb shqiptar.

Nuk do shkoj të ndalem në histori të shkuara, jo. Por do ndalem vetëm në pranverën e vitit 1999, kur ju burrat dhe gratë e Kukësit, Hasit dhe Tropojës, votrat tuaja u bënë të famshme në gjithë botën për bujarinë. U bënë të famshme në të gjithë botën dhe bënë të dështojë në rrugët, rrugicat e këtij qyteti, e këtyre fshatrave, të këtij qarku, projektet ogurzeza të Slobodan Millosheviçit, i cili mendoi se duke përzënë qindra mijëra shqiptarë, do i çonte ata drejt katastrofës. Në të vërtetë ata i çoi drejt votrave tuaja fisnike dhe i pritët si vëllezër në një akt sublim bashkimi kombëtar.

Miq, e parë në këtë kënd, Edi Rama është po aq armik sa i ati i tij, i Kukësit.

Po aq armik sa i ati i tij që firmoste varjen në litar të birit të pavdekshëm, poetit të madh, heroit të fjalës së lirë, Havzi Nelës, në sheshin e këtij qyteti.

Havzi Nela kishte me veprën e vet 5 mijë vargje kushtuar Kosovës.

Edi Rama, i biri të xhelatit të Havzi Nelës, përzuri nga Tirana dy javë më parë përfaqësuesin e qeverisë së Kosovës, sepse i vuri nofkën e armikut, në një kohë kur SHBA e etiketoi atë rezolutë si një letër e vdekur e pa kuptim.

E vdekur për SHBA, por jo për Vuçiçin dhe argatin e tij në Tiranë, i cili në një akt antikombëtar detyroi delegacionin e Kosovës të largohej nga Tirana.

Miqtë e mi, jam këtu në emër të tuaj për t’u përcjellë një mesazh vëllazëror të gjithë emigrantëve, të gjithë bijave dhe bijve të Kukësit, Hasit dhe Tropojës në emigracion, asnjë votë për këtë armik të kombit.

Unë e di se ka punonjës administrate që u luten, u stërluten, fotografoni votën, ma dërgo se ma kërkon shefi. Asnjë fotografi mos bëni, qëndroni njerëz të lirë, votoni për Kukësin, për Hasin, për Tropojën.

Votoni për vlerat që përjetoni në vendet tuaja.

Mos votoni Pashiqin e shqiptarëve.

Se ata që u kërkojnë ju votën për të mbrojtur vendin e punës, ata kryejnë një gabim të madh shumë.

Ju mos u bëni bashkëfajtorë me ta.

Ju votoni të lirë.

Votoni për Kukësin, Hasin, Tropojën, Shqipërinë.

Votoni për kombin dhe jo armikun e kombit.

Miqtë e mi, ky program është programi që bazohet tek djepi, aty ku kemi lindur, jemi rritur, jemi edukuar, tek familja shqiptare, familja kuksiane, hasjane, tropojane, që është shenjtëri në vetvete.

Që mëkon tek fëmija dashurinë për vendin, respektin për prindin, respektin për njeriun.

Ne do bëjmë gjithçka që këtë familje ta forcojmë, ta mbështesim, ta ndihmojmë.

Do bëjmë gjithçka që autoriteti i saj të bëhet gjithnjë e më i madh, fuqia e saj edukuese të jetë edhe më e madhe.

Do bëjmë gjithçka që nëna shqiptare, vigane, të ketë mbështetjen më të fuqishme në mënyrë të të rrisë fëmijët e saj pa mundime.

Do subvencionojmë çdo fëmijë, të parin me 70 euro, të dytin me 60 euro, të tretin nga lindja gjer 23 vjeç 100 përqind nga shteti.

Do bëjmë gjithçka për t’i mbështetur nënat dhe motrat tona në biznese, për t’i mbështetur në suksesin e biznesit, fermës apo veprimtarisë së tyre.

Ne si komb të gjithë madhështinë në radhë të parë e kemi tek nënat, ndaj dhe ata që kërkonin zhdukjen tonë, kërkonin të zhduknin nënën shqiptare.

Edi Rama, gabon rëndë. Si një përçarës, si një njeri pa vlera, si ai i zënë në faj dhe që është i pashpresë, sillet nga një takim në tjetër me një fjalor të padenjë, një burrec dy metra i gjatë.

Njëherë thotë se burrat janë kështu e ashtu, duke harruar se burrat janë baballarët e fëmijëve të atyre zonjave, janë shoku i jetës së tyre, janë bashkëjetesa, janë harmonia.

Herën tjetër bërtet, ajo që është e ndarë, ajo na duhet më shumë ne.

Turp i madh shumë!

Po si mund të flasësh ti se na duhet ajo dhe kjo? Çfarë janë ato dhe këto që t’u dashkan ty, i pafytyrë. Me një gjuhë të tillë flet…

Herën e tretë nxjerr fëmijët përpara dhe në një propagandë absolutisht të dënueshme, 100 përqind të dënueshme, u thotë kontrolloni në Google videot e tij nudo. Mburret me to.

Të dashur miq, këto nuk janë rastësi. Jo, jo.

Këto janë botëkuptim i atyre të cilët vërshuan jo vetëm në Shqipëri, por edhe në botë, kundër familjes dhe vlerave të saj.

Është botëkuptimi i atyre të cilët thanë se ka ikur koha të quajmë nënën, nënë dhe babën, babë.

Është botëkuptimi i atyre të cilët prunë në parlament ligjin për të krijuar fermat e grave dhe për të lindur fëmijët e askujt.

Është botëkuptimi i njerëzve qëkanë humbur të gjitha normat morale të njerëzve normalë.

Por, Edi Rama, këto nuk do kalojnë kurrë tek Shqipëria dhe shqiptarët.

Ti me atë gjindjen tënde mund të bësh ç’të duash, nuk dua të them se çfarë meriton, por me familjen shqiptare mos luaj se nuk loz dot kurrë.

Me fëmijët shqiptarë mos luaj.

Larg duart nga propaganda e turpshme që është e dënueshme në çdo vend të botës.

Asnjë votë nuk do marrësh ti me këto që bën, përkundrazi, ndëshkim, ndëshkim, ndëshkim.

Miqtë e mi, projekti ynë është një projekt që kërkon të ndryshojë jetën e çdo shqiptari.

Po.

Ky projekt nis së pari aty ku zemra e njeriut ka edhe anën e vet më njerëzore, tek dhembshuria, tek dashuria për njëri-tjetrin.

Ndaj dhe ne kemi paketën e dhembshurisë.

Me këtë paketë, ne zotohemi 100 ditët e para, çdo pensionisti, çdo njeriu në ndihmë ekonomike, çdo studenti, çdo jetimi, çdo fëmije të tretë dhe të katërt në familje, do t’i vendoset minimumi jetik 200 euro.

Në këtë mënyrë ne i japim një goditje përfundimtare varfërisë ekstreme, fshijmë nga harta e Shqipërisë varfërinë ekstreme.

Rrogën minimale, nuk do mund të paguhet kush në Shqipëri nën 500 euro.

Rroga mesatare do jetë 1200 euro.

Jo vetëm kaq, rrogëulëtit dhe pensionistët do kenë kartën e konsumatorit dhe do marrin të gjitha gjërat bazë 20 përqind më lirë.

Me qindra e mijëra shqiptarë kërkojnë ilaçet nga njerëzit e tyre jashtë vendit, ose se nuk kanë mundësi t’i blejnë, ose se ilaçet këtu janë krejtësisht jashtë çdo standardi.

Zotohemi para jush këtu, së pari, Tom Doshit dhe Vilma Nushit, javën e parë u vihet dylli.

3500 tendera fiton në vit Tom Doshi nga Edi Rama dhe e nxjerr Tomën për të blerë vota pastaj. Asnjë votë Tom Doshit, asnjë votë partive të vogla, të ashtuquajtura të reja, të cilat janë paterica të Edi Ramës.

Miqtë e mi, ju garantoj se në 100 ditët e para Këshilli i Ministrave do aprovojë si listë ilaçesh për rimbursim të plotë, atë listë që qeveria italiane u rimburson qytetarëve të vet.

Dhe se në Shqipëri nuk do shitet asnjë ilaç që nuk shitet në të paktën dy vende të BE.

Nuk jemi zengjinë si italianët, por në ilaçe do barazohemi me ta.

Pra, çfarë ndodhi? Ku do i gjejmë ne këto para?

Këto para, miqtë e mi, janë dhe u garantoj ju se janë edhe për më tepër se kaq.

Por ne jemi 100 përqind të sigurt për këto që garantojmë.

630 milionë euro ka zhdukur Edi Rama me inceneratorin e Tiranës, me përzënien e Beketit, me avionin e tij në dispozicion, me sterilizimet, me PPP-në e analizave, me checkupin.

Që të gjitha këto do u kthehen ju në rroga, pensione, ndihmë ekonomike 200 euro.

Miq, kudo që shkoj unë gjej një Shqipëri të injoruar.

Isha në Krujë. Kruja sa është nga Tirana, 20 km. Një nuse e re më thotë në treg, doktor, problemi më i madh është problemi i fëmijëve. Nuk ka kopsht, nuk ka çerdhe. I gjithë qyteti kishte vetëm dy kopshte.

Zbrita në Fushë Krujë, një biznesmen, të cilit i shpreh nderimin më të madh, Muhamet Hoçkaj, 300 punëtorë, një kopsht falas për punëtorët.

Pra, ky është një injorim i përgjithshëm.

Kukësi i injoruar. Investimet në Kukës mezi përfunduan 10 kilometra rrugë për në Shishtavec.

Ndërtuan urën, e përjashtuan Kukësin nga trafiku, krim i shëmtuar. Për të hyrë në Kukës duhet të sillesh rrotull, të dalësh nga mbrapa.

Turpi të mbuloftë Edi Rama me këtë akt.

Nuk mund t’ia mbyllësh kurrë hyrjen një qyteti dhe të hyjnë të tjerët nga mbrapa. Dhe pse? Projektet e tua.

30 milionë euro ura. 13 milionë euro ka kushtuar ura e Bunës e cila hapet për të kaluar anijet.

Pra, dy herë më e kushtueshme se kjo se ka mekanizmin që hapet në dy anë.

Ky ndan paratë!

Dhe pastaj vendosi traun.

U jap fjalën e nderit se hyrja juaj do jetë madhështore. Se trau do hiqet javën e parë.

Se nuk do paguani asnjë qindarkë.

Jo, asnjë qindarkë.

Dhe se Kukësi, do përsëris prapë premtimin tim, do ketë një nga pallatet e sportit më të bukura në Shqipëri.

U garantoj se potenciali juaj turistik është i jashtëzakonshëm.

U them unë ju, nuk ka zonë me potencial turistik më të madh se sa malet e Sharrit, Korabi dhe gjithë këto bjeshkë.

Pra do bëjmë gjithçka për turizmin malor, ku jo ato që thotë Edi Rama, por çdo emigrant që do të investojë në turizmin malor, do jetë 8 vite pa asnjë taksë.

Miqtë e mi, Kukësi, Hasi dhe Tropoja janë treva të rezervave minerale ndër më të mëdhatë, të mineraleve të shumëllojta më të çmuara dhe u siguroj se ato do shndërrohen në mirësi për banorët e këtyre trevave.

Në këtë qark do të nxisim para së gjithash pemëtarinë.

Projekti ynë me arrorë do të shumëfishohet, por çdo fermer duhet ta ketë të qartë se ne do subvencionojmë çdo fidan të mbjellë, çdo njësi prodhimi, çdo kokë bagëti.

Nuk ka më kushte se duhet të jenë 10 lopë apo 5 lopë. Edhe një në qoftë, do subvencionohet.

Shqipëria Madhështore pra është Made in Albania.

Prodhimi shqiptar do jetë krenaria jonë.

Do bëjmë gjithçka që në çdo skaj të këtij vendi të prodhohet nga pasuritë që ka, mbitokësore dhe nëntokësore.

Shqipëria është vend që noton në ujëra. Qytetarët e saj nuk kanë ujë.

U garantoj se furnizimi me ujë do të jetë një përparësi absolute e jona, sikundër infrastruktura në të gjithë qarkun e Kukësit, nga Kalaja e Dodës gjer në kufi me Dukagjinin.

Energjia elektrike do ulet për biznesin ne 6 lekë, për konsumatorin në 7 lekë.

Do falen të gjitha gjobat, kamatat dhe çdo gjë tjetër.

Miqtë e mi, ky është programi i Shqipërisë Madhështore.

U siguroj se dy apo tre herë më shumë se ç’prodhojmë digat, do prodhojmë me çati energjinë elektrike, kur të vendosim në të gjitha çatitë e shqiptarëve panelet fotovoltaike, të cilat pas tre vitesh do prodhojnë energji falas për familjarët.

Po vij nga Puka, studime shumë serioze kanë faktuar se nga Shëmria në Vaun e Dejës mund të prodhohen me turbina ere 3200 megavat. Mund të prodhohet energji pra tre herë sa digat. Ne do e bëjmë Shqipërinë superfuqi të vërtetë energjetike, ku përfituesit e vërtetë do jeni ju, qytetarët shqiptarë.

Ndaj miqtë e mi, këto tre javë që na ndajnë nga dita e madhe, ta njohim veten tonë, ta shpallim veten tonë misionarë.

Të trokasim në çdo derë, të takojmë çdo mik, të telefonojmë çdo të njohur, të bëjmë gjithçka për t’i paraqitur këtë projekt, i cili është një mundësi për çdo shqiptar.

Një mundësi reale për pensionistët për një jetë më të mirë.

Një mundësi reale për të rinjtë për shkollim, punësim, strehim, për të ndërtuar ëndrrën e tyre në Shqipëri.

Një mundësi reale për familjet shqiptare për të mos u detyruar për të larguar fëmijët e tyre jashtë.

Një mundësi reale për biznesin për të pasur të ardhura më sumë dhe zgjeruar atë.

Një mundësi reale për rrogëtarët.

Dhe u them unë këtyre rrogëtarëve të administratës, mos e dëmtoni veten, mos u bëni patronazhistë, por qëndroni njerëz dinjitozë sepse ju në 100 ditët e para të gjithëve u rriten rrogat 13 përqind me vendosjen e taksës 10 përqind.

Një mundësi reale për fermerët, për bizneset, mundësi për çdo shqiptar.

Ndaj dhe të bëjmë natën ditë, të djersimë, të lodhemi.

Kësaj here jo si politikanë, jo si kandidatë, por si misionarë që të gjithë.

Misionarë të shpëtimit të Shqipërisë.

Misionarë të këtij projekti që e bën Shqipërinë Madhështore.

Që e bën Kukësin, Hasin, Tropojën madhështore.

Nderim të madh banorëve të këtij qarku.

Rroftë Shqipëria.

Fitore, fitore, fitore.

Të gjithë jemi njisha.

Jemi njisha.

Fitimtarë!

Fitimtarë!