Zotimi para bashkatdhetarëve, Kurti: Lehtësim të votimit, kushte për investime…

Kryetari i Lëvizjes Vetëvendosje dhe Kryeministri i ardhshëm i Kosovës, Albin Kurti, në takim me bashkatdhetarët në Bruksel është zotuar për lehtësimin e votimit e deri te krijimi i kushteve për investimin e tyre në vendlindje.

”Në Bruksel, një numër i madh bashkatdhetarësh pritën Kryëtarin e Lëvizjes dhe Kryeminstrin e ardhshëm, Albin Kurti. Kryetari Kurti ripotencoi edhe një herë zotimet për mërgatën të cilat do të realizohen nga qeverisja e ardhshme. Nga ishin vetëm disa temat e diskutuara,” theksohet në njoftimin e Lëvizjes Vetëvendosje duke shtuar se të pranishëm në tubim ishin dhe aktivistja Teuta Fazliu, Kryetari i Qendrës së Lëvizjes në Belgjikë, Bujar Krasniqi dhe Kryetari i Pikës sonë në Anvers, Ilir Morina.

Gjithashtu, Albin Kurti, sot, së bashku me delegacionin e Lëvizjes Vetëvendosje vizituan edhe njërën nga shkollat shqipe në Bruksel.