Zotohet para Azem Hajdarit, Basha: Ne do ta pastrojmë politikën nga krimi!

“Le të zotohemi sot para Azem Hajdarit, Zotit dhe kombit se ne do ta pastrojmë politikën nga krimi.” Kështu u u zotua para Heroit të Demokracisë dhe gjithë shqiptarëve, kryetari i Partisë Demokratike, Lulzim Basha pas homazheve në nderim të Azem Hajdarit ku dhe theksoi:

“Ne sot kujtojmë Azem Hajdarim dhe mikun e tij të pandarë Besim Çerjen, në një 20-vjetor që na mori njeriun, por na dha legjendën e tribunit të demokracisë, të të pavdekshmit Azem Hajdari. E kujtojmë sot Azemim si njeri, Azemin si prind, si bashkëshort, si shok, si mik, si qytetar, e kujtojmë dhe respektojmë sot si lider, si simbol të kurajos për liri dhe të drejta njerëzore” tha Basha duke shtuar se sot më shumë se kurrë, jeta e shkurtër por e plotë e Azemit duhet të na frymëzojë dhe nxisë.

“Ai tregoi se para dhunës robërisë nuk duhet heshtur, por duhet luftuar. Por sot në mënyrë tragjike dhe epike Azemi na bën të reflektojmë për të keqen që i vjen shoqërisë dhe kombit kur krimi dhe qeverisja e bërë një, kur bandat nënshtrojnë politikën dhe qytetarët. pushteti i lidhur me krimin është pengesa për ëndrrën e azem Hajdarit, Shqipërinë si gjithë Evropa.”

Duke shprehur vendosmërinë për hir të të gjithë shqiptarëve por edhe në nder të Azem Hajdarit, por edhe të mijërave patriotëve të tjerë të përkjeve për liri, atdhe, demokraci, kryetari i PD, Lulzim Basha duke premtuar se nuk do ti nështrohemi të keqes përfundoi:

“Ne nuk do t’i nënshtrohemi së keqes, as dhunës së shtetit, as dhunës së krimit; le të zotohemi sot para Azem Hajdarit, Zotit dhe kombit se ne do ta pastrojmë politikën nga krimi për t’i hapur Shqipërisë rrugën e bllokuar prej 5 vjetësh, se në Shqipëri do të ketë dhe liri dhe demokraci.”

Ndryshe, në 20 vjetorin e vrasjes së Heroit të Demokracisë, Azem Hajdari, Partia Demokratike organizoi simpozium me temën “Endrra e Azemit: Shqiperia si Europa”,  u bënë homazhe pranë Memorialit dhe homazhe tek varrezat “Dëshmorët e Kombit.”