Zv/Presidenti i SHBA merr vaksinën kundër koronavirusit

Zv/Presidenti i SHBA, Mike Pence, mori sot ovaksinën kundër koronavirusit. Ai mori dozën e parë të vaksinës Pfizer/BioNTech në Shtëpinë e Bardhë, së bashku me gruan e tij, Karen, dhe mjekun Jerome Adams. Ngjarja u transmetua drejtpërdrejt në televizion.

Mike Pence tha se vaksina është e sigurt dhe efektive, dhe se shpejtësia me të cilën është zhvilluar është mrekulli mjekësore.

Shtëpia e Bardhë tha se transmetimi i vaksinimit të Zv/Presidentit Pence në televizion ka për qëllim të promovojë sigurinë dhe efikasitetin e vaksinës dhe të krijojë besim te populli amerikan.

SHBA ka nisur të hënën vaksinimin e popullsisë me vaksinën Pfizer/BioNTech. Vaksina, raporton RFE, është thënë se është 95 për qind efektive.

Tre milionë dozat e para të saj po shpërndahen në të 50 shtetet e SHBA-së.

SHBA ka regjistruar numrin më të madh të të infektuarve dhe viktimave nga koronavirusi. Këtë javë, numri i të vdekurve kaloi 300.000.