Zvicër, arrestohen tre shtetas të Kosovës, kishin lidhje me IS dhe Al-Qaeda

Autoritetet në Zvicër kanë arrestuar katër persona nën dyshimin se kanë lidhje me grupet militante ekstremiste Shteti Islamik, IS dhe Al-Qaeda.

Prokuroria federale tha se policia sot kontrolloi tre shtëpi në kantonin perëndimor të Friburgut, si pjesë e dy hetimeve penale në veprimtarinë e pretenduar ekstremiste.

Të dyshuarit pretendohet të kenë shkelur ligjin zviceran që ndalon përfshirjen me Al-Qaeda, IS dhe organizatat e lidhura me të, raporton Agjencia e lajmeve Associated Press.

Prokurorët thanë se katër personat e ndaluar dyshohen gjithashtu se kanë mbështetur ose marrë pjesë në një organizatë kriminale.

Ata identifikuan katër të dyshuarit vetëm si një grua 28-vjeçare kosovare, një burrë 26-vjeçar kosovar, një 34-vjeçar me dy shtetësi atë, zvicrane dhe kosovare dhe një 29-vjeçare maqedonase.

“Ata kanë qenë qenë në kontakt me njëri-tjetrin, bastisjet dhe arrestimet në shtëpi u kryen të gjitha në të njëjtën kohë,” thanë prokurorët.

Informacione të mëtejshme, përfshirë se cili prej të dyshuarve kishte lidhje me cilin grup, raporton RFE, nuk janë bërë të ditura nga ana e autoriteteve.