Zyrtare/ Aksidenti tragjik në Levan, Policia: Ja çfarë ndodhi…

Pas aksidentit të rëndë në aksin rrugor, Levan-Tepelenë, raportohej mbi numra të  ndryshëm të viktimave ndonëse kishin të bëjmë me një aksident mjaft tragjik. Më në fund reagon Policia duke dhënë edhe numrin zyrtar të viktimave .

Në një njoftim për mediat Policia bën me dije se numri i viktimave është 2, ndërsa të plagosur janë 5.

“Për pasojë kanë ndërruar jetë shtetasit F.Sh, 64 vjeç, banues në Tiranë dhe D.L, 55 vjeç, banues në Vjosë, Fier si edhe janë dërguar në Spitalin Rajonal Fier dhe ndodhen nën kujdesin e mjekëve 5 shtetas të tjerë”, thekson Policia në njoftimin e saj.

Njoftimi i policisë

Në datën 06.01.2019, rreth orës 18:00, në aksin rrugor Levan-Tepelenë, në vendin e quajtur “Varibob”, një automjet ka përplasur një këmbësor.

Në vendngjarje janë grumbulluar disa banorë të zonës dhe pasagjerë të një mjeti tjetër që kishte parkuar aty për të dhënë ndihmën e parë personit të aksidentuar, të cilët janë përplasur nga një mjet tjetër tip “Opel” i cili ka hyrë në parakalim.

Për pasojë kanë ndërruar jetë shtetasit F.Sh, 64 vjeç, banues në Tiranë dhe D.L, 55 vjeç, banues në Vjosë, Fier si edhe janë dërguar në Spitalin Rajonal Fier dhe ndodhen nën kujdesin e mjekëve 5 shtetas të tjerë.

Po punohet për identifikimin e shtetasve të plagosur dhe zbardhjen e plotë të ngjarjes.