Zyrtare/ Në fokus të takimeve të Escobar: Lufta kundër korrupsionit, pandëshkueshmëria dhe përpjekjet për të minuar demokracinë në Ballkan
Përkundër paralajmërimit të Frrokut për arrestimin e Berishës, ekzaltimit të Bashës për Berishën NON GRATA, rrëfimeve të Metit të Topit dhe mediave të Ramës në shërbim të Lulzimit dhe kundër Kuvendit të 11 Dhjetorit, në fund të takimeve që zhvilloi sot Zv/Ndihmës Sekretari i Shtetit i SHBA për Çështjet Europiane dhe Euroaziatike dhe i Dërguari i Posaçëm për Ballkanin Perëndimor, Gabriel Escobar, me Kryeministrin Edi Rama, Ministren e Jashtme Olta Xhaçka dhe Kryetarin e Partisë Demokratike, Lulzim Basha, Ambasada e SHBA në Tiranë e bëri të qartë se Escobar vuri në dukje fokusin e Shteteve të Bashkuara në luftën kundër korrupsionit, pandëshkueshmërinë dhe përpjekjeve për të minuar demokracinë në Ballkanin Perëndimor.
“Gjatë takimeve të tij, Zëvendës Ndihmës Sekretari Escobar falënderoi Shqipërinë për partneritetin e saj të fortë me Shtetet e Bashkuara dhe rikonfirmoi mbështetjen e fortë të SHBA për anëtarësimin e Shqipërisë në BE. Ai vuri në dukje fokusin e Shteteve të Bashkuara në luftën kundër korrupsionit, pandëshkueshmërinë dhe përpjekjeve për të minuar demokracinë në Ballkanin Perëndimor,” bëri të ditur Ambasada amerikane në Shqipëri, që janë dhe mesazhet e ngjashme të Dërguarit të Posaçëm për Ballkanin Perëndimor si në vizitat e tij në Bosnje e Hercegovinë dhe Maqedoni të Veriut.
Ndryshe nga Kryetari i PD, Lulzim Basha, i cili foli për diskutim të NON GRATA të Sali Berishë dhe raportit të Met Veliut në TCH ku citohet Escobar se dosja e DASH që çoi në shpalljen NON GRATA të Ish-Presidentit Berisha nuk është bërë nga Soros por nga administrata e shkuar dhe se lista e personave NON GRATA për Shqipërinë pritet të shtohet në të ardhmen me personazhe të tjerë nga politika dhe fusha të tjera, Kryeministri Edi Rama ishte më i kujdesshëm pas deklaratës nga Ambasada e SHBA në Tiranë:
“Kënaqësi të mikprisja, në një takim shumë miqësor Zëvendës Ndihmës Sekretarin e Shtetit dhe të Dërguarin e Posaçëm për Ballkanin Perëndimor, Gabriel Escobar, ku folëm për partneritetin e shkëlqyer mes Shqipërisë e SHBA, rolin e rëndësishëm të Shqipërisë në rajon, dialogun e domosdoshëm mes Kosovës e Serbisë dhe Ballkanin e Hapur, si një nisëm transformuese për ardhmërinë e rajonit, të cilën administrata e Presidentit Joe Biden e mbështet fuqimisht,” tha Kryeministri Edi Rama ndryshe nga Frroku, Basha dhe Meti edhe pse deklaratat vijnë nga i njejti burim dhe i dedikohen një qëllimi, luftës kundër Kuvendit të 11 Dhjetorit.
Nesër, 10 Dhjetor, në fund të vizitës në Shqipëri, Zv/Ndihmës Sekretari i Shtetit i SHBA për Çështjet Europiane dhe Euroaziatike dhe i Dërguari i Posaçëm për Ballkanin Perëndimor, Gabriel Escobar, pritet një prononcim përmbledhës lidhur me këtë vizitë.
Deklaratë:
Zëvendës Ndihmës Sekretari i Shtetit i SHBA për Çështjet Europiane dhe Euroaziatike dhe i Dërguari i Posaçëm për Ballkanin Perëndimor Gabriel Escobar vizitoi më 9 dhjetor Shqipërinë, ku u takua me kryeministrin Edi Rama, Ministren e Jashtme Olta Xhaçka, kryetarin e Partisë Demokratike Lulzim Basha dhe udhëheqës të tjerë.
Gjatë takimeve të tij, Zëvendës Ndihmës Sekretari Escobar falënderoi Shqipërinë për partneritetin e saj të fortë me Shtetet e Bashkuara dhe rikonfirmoi mbështetjen e fortë të SHBA për anëtarësimin e Shqipërisë në BE.
Ai vuri në dukje fokusin e Shteteve të Bashkuara në luftën kundër korrupsionit, pandëshkueshmërinë dhe përpjekjeve për të minuar demokracinë në Ballkanin Perëndimor.
Escobar mirëpriti forcimin e mëtejshëm të marrëdhënieve SHBA-Shqipëri, bashkëpunimin tonë në fushën e mbrojtjes si aleatë të NATO-s dhe krijimin e më shumë mundësive për tregti dhe investime.
Escobar mirëpriti gjithashtu punën e përbashkët midis Shteteve të Bashkuara dhe Shqipërisë për integrimin rajonal dhe global – veçanërisht kur të dyja vendet do të shërbejmë në Këshillin e Sigurimit të Kombeve të Bashkuara në 2022.
U.S. Deputy Assistant Secretary of State for European and Eurasian Affairs and Special Envoy for the Western Balkans Gabriel Escobar visited Albania on December 9 where he met with Prime Minister Edi Rama, Foreign Minister Olta Xhacka, Democratic Party Chairman Lulzim Basha, and other leaders.
During his meetings, Deputy Assistant Secretary Escobar thanked Albania for its strong partnership with the United States and reaffirmed U.S. strong support for Albania’s EU accession. He noted the United States’ focus on fighting corruption, impunity, and efforts to undermine democracy in the Western Balkans. Escobar welcomed further strengthening the U.S.-Albania relationship, our defense cooperation as NATO Allies, and creating more opportunities for trade and investment. Escobar also welcomed the United States and Albania working together on regional integration and globally – especially as we both serve on the United Nations Security Council in 2022.
