Zyrtare/ Numri i popullsisë në Gjermani: 83 milionë!

Numri i popullsisë në Gjermani ka arritur në 83 milionë deri në fund të vitit të kaluar, ka njoftuar sot Zyra Federale e Statistikave të këtij shteti.

Kjo shifër tregon për një rritje prej 200.000 personave në krahasim me vitin 2017, thekson kjo Zyrë duke shtuar se të dhënat përbëjnë edhe një rritje të re prej kohës së bashkimit të Gjermanisë, dhe është migrimi i cili ka ndikur në këtë rritje.

Më 1990, pas bashkimit të të dy Gjermanive, është thënë se popullsia ishte 79.3 milionë.

Zyra e Statistikave tha se ka përdorur të dhënat e natalitetit dhe mortalitetit deri në muajin shtator, ndërsa shifrat e migrantëve deri në muajin gusht.

Të dhënat përfundimtare pritet të publikohen në periudhën korrik-gusht.