Zyrtare/ Vuçiç i sëmurë, probleme me imunitetin nga stresi për Kosovën

Pas anulimit të takimeve të djeshme të Presidentit të Serbisë, Aleksandar Vuçiç, sot Kryeministrja Ana Brnabiç, ka sqaruar se kjo ka ndodhur për shkak se Presidenti është i prekur me grip pasi i është dobësuar sistemi i imunitetit nga presione dhe stresi me zhvillimet në Kosovë.

“Deri në orët e vona kemi biseduar. Ai, fatkeqësisht, nuk qetësohet, do të dëshiroja që të pushonte më shumë. I është nënshtruar një presioni të tmerrshëm rreth gjithë zhvillimeve që po ndodhin në Kosovë. Mendoj se me netë të tëra nuk ka flejtë gjumë, e ka prekur gripi. Sistemi i imunitetit i është dobësuar , natyrisht nga këto lodhje dhe stresi,” tha Brnabiç për TV Happy duke shtuar se presidenti ka vazhduar punën sot kur do të takoj edhe Presidenten e KE, Ursula von der Leyen, me të cilën do të firmos të enjten kontratën për ndërtimin e Autostradës Nish-Merdare pjesë e Autostradës Nish-Durrës.