Маduro premton rritjen e pagave 3.000 %, por…

Presidenti i Venezuelës, Nikolas Maduro duke ju drejtuar kombit në telelvizionin publik paralajmëroi reformën më të madhe ekonomike, sipas tij, dhe rritjen e pagave për 3.000 për qind. Por, Fondi Monetar Ndërkombëtarë, FMN, parashikon një inflacion rekord prej 1.000.000 për qind.

“Dëshiroj rimëkëmbjen e shtetit dhe kam formulën për këtë gjë. Më besoni,” tha Маduro duke paralajmëruar rritjen e tatimit, subvencionimin e karburantit, si dhe ndërlidhjen e pagave, pensioneve dhe çmimeve me kriptovalutën Petro, të cilën qeveria e lançoi gjatë këtij viti.

Ende nuk dihet se si mendon të zbatoj këto ndryshime financiare ndërkohë ekspertët e ekonomisë janë skeptik për suksesin e qeverisë së Venezuelës e cila nuk ka mjete për likuidim, i është nënshtruar sanksioneve amerikane dhe nuk i kthen paratë kreditorëve, theksojnë Agjencitë e lajmeve duke japur paralajmërimin e ekspertëve për alarm,se pagat mizerabël që janë aktualisht do të ulen edhe më shumë, e kompanitë nuk do të arrijnë të mbijetojnë me tatimet edhe më të larta.

“Në kulmin e devalvimit agresiv dhe ekspansionit monetar për shkak të pagave dhe bonuseve, presim hiperinflacion shumë më agresiv. Në veçanti në kontestin ku nuk besohet se do të ndaloj emetimi i madh i parave të reja. Më i keqi në botë,” tha eksperti venezuelas i ekonomisë, Asdrubal Oliveros nga kompania Еkoanalitika.

Në krizën më të keqe të emigrimit, qindra mijëra banorë të Venezuelës kanë emigruar në shtetet tjera të Amerikës Jugore, e lideri i opozitës, Enrike Kapriles pas paralajmërimit të Maduros reagon përmes rrjetit social twitter:

“Kampion bote në katastrofat botërore! Asnjë banorë i Venezuelës nuk meriton të jetoj në këtë tragjedi dhe që këta njerëz të paaftë të shkatërrojnë kombin tonë!”

Ndryshe, pas daljes në treg të kriptovalutës Petro, ekspertët e kriptovalutave ishin skeptik për të si instrument financiar sepse nuk e kishin të qartë se si funksionon dhe se sanksionet amerikane pamundësojnë një gjë të tillë.

Ndërkohë Presidenti i SHBA, Donald Trump firmosi urdhërin ekzekutiv me të cilin ndalohet çfarëdo lloj transaksioni amerikan ku përfshihet Petro, e amerikanët këtë kriptovalutë e vlerësuan si mashtrim.

Kur iu drejtua kombit, Maduro tha se 1 Petro do të ketë vlerë 60 dollarë, përkatësisht 360 bolivar, valutë kjo zyrtare e shtetit.

Pra, zyrtarisht kursi i ri do të jetë: 1 dollar – 6.000.000 bolivar.