“100 dështimet e Ramës”, Basha: Kriza ekonomike ka shtyrë shqiptarët drejt huamarrjes informale!

Duke renditur 100 dështimet e Kryeministrit Edi Rama në 8 vite qeverisje, Kryetari i Partisë Demokratike, Lulzim Basha, tregon pse niveli i huamarrjes informale në Shqipëri është më i madhi në Ballkan.

“27 ditë deri më 25 prill. 100 dështimet e Ramës në 8 vite. Si është niveli i huamarrjes informale në Shqipëri, në krahësim me vendet e Rajonit?” thekson Lulzim Basha në reagimin e tij përmes rrjetit social Instagram duke dhënë në fund dhe përgjigjen:

“Më i lartë. Kriza ekonomike i ka shtyrë sipërmarrjet dhe familjet shqiptare drejt huamarrjes informale!”

Ndryshe, huaja informale jashtë institucioneve huadhënëse është një fenomen mjaft i përhapur në Shqipëri, në raport me vendet e tjera të Europës Juglindore, thuhet në rezultatet e anketës së përvitshme që Banka e Qendrore e Austrisë bën në vendet e këtij rajoni për të mbledhur informacion në lidhje me mbajtjen e cash në euro, kursimet, borxhin, dhe gjithashtu merr opinionet e të anketuarve për ekonominë, pritshmëritë etj