Sot në “Air Albania”, Shqipëri-Angli pa tifozë. Ja plani i masave për mbarëvajtjen e ndeshjes

Ndeshja Shqipëri-Angli, e vlefshme për Kualifikuesen e Botërorit “Katar 2022”, do të zhvillohet në stadiumin “Air Albania” me fillim në orën 18:00, dhe do të luhet pa praninë e tifozëve, për arsye të masave Anticovid.

Ndërkohë Policia e Shtetit përmes një njoftimi ka bërë të ditur se bizneset në stadium do të mbyllen përpara ndeshjes, po ashtu edhe rruga në afërsi të stadiumit do të bllokohet në momentin e hyrjes dhe daljes së ekipit të Anglisë, nga hoteli deri tek “Air Albania”.