Pse sulmohet Opozita?! Faleminderit o SPAK që ekziston!
nga Agim Popoci
Epilogu i hetimit të fundit të Prokurorisë së Posaçme Antikorrupsion me shkeljen e ligjit nga Benet Becit si kreu i KESH-it, nuk ishte thjeshtë një pretencë për një hajdut i cili u kap rastësisht nga përgjimet e celularit të një zyrtari të lartë si Evis Berberi, por ishte një zgjidhje e shumë enigmave që e mundojnë këtë popull të varfër e të vjedhur shqiptar që ka filluar të humbas edhe shpresën ndërsa po shikon se si po shuhet edhe kjo revoltë studentore kundër Kryeministrit Edi Rama, që kishte ndez ca drita në fund të tunelit!
Pas pretencës së SPAK për ish-kreun e KESH dhe Kryetarin e Bashkisë Shkodër, Benet Beci, ku kërkohet 4 vjet punë vullnetare për favorizimin e kompanisë “Consulting & Management Albania” sh.p.k. në procedurën e një prokurimi me vlerë 752 mijë euro, dhe heshtjes së protestës ndaj këtij vendimi të Prokurorisë Kriminale në shërbim të Edi Ramës, sot është e qartë pse u bë Reforma në Drejtësi, pse lufta ndaj të paprekshmëve ishte një iluzion, pse me krijimin e Prokurorisë së Posaçme u rrit kriminaliteti edhe më shumë, pse institucionet e reja të Drejtësisë ndihmuan Kryeministrin në shuarjen e opozitës, pse SPAK liron zyrtarët hajdutë të Kryeministrit Rama duke mos çarë kokën as për sheshet e kryeqytetit të mbushura me protestues për të cilët qeveria thotë se janë të dhunshëm, pse sulmohet Opozita, dhe, pse sot duhet falënderuar pikërisht po këtë SPAK!
Sikur SPAK në pretencën e tij të mos konvertonte dënimin me dy vjet burg në katër vite pune vullnetare, sot gagaçët propagandistik të këtij institucioni kriminal, mund të vazhdonin deri në ditën e gjykimit me servilizmin e tyre sorosist për të fajësuar në fund GJKKO-në pse e konvertoi dënimin në punë vullnetare, por, jo, zullumi është trashë aq shumë dhe Prokurorisë së Posaçme nuk i intereson më as opozita, as Flamingot, as studentët dhe as revolta popullore, dhe, liron me shumë guxim të gjithë hyzmeqarët e pushtetit pa rrezikuar përballjen në Gjykatë, ku mund të dalë edhe ndonjë gjyqtarë i hatërmbetur pse i prishën Partinë e Punës Socialiste dhe të degdis ndonjë rilindas mavi, aty ku e ka vendin!
Nga krijimi i SPAK e deri më sot, janë derdhur shumë para për promovimin e kësaj Prokurorie të Posaçme, por, askush nuk mori mundimin të sqaroj pse u rrit kriminaliteti, korrupsioni në zyrat e shtetit, dhe, në vetë sistemin e drejtësisë!
Iluzioni “arrestimi i të paprekshmëve” shumë shpejtë zbriti nga podiumi mediatik dhe u asfiksua nga vetë ata që e promovuan pasi u arrestuan vetëm rivalët politik të Edi Ramës ose të grigjës së vetë që guxuan të ngrenë zërin kundër tij, ndërsa shqiptari i shkretë sot kërkon atë Gjykatën e Apelit të Korruptuar para Reformës në Drejtësi, ku çmimet ishin ku e ku më të lira për të mbaruar punë!
Arrestimi i ministrit të Brendshëm Saimir Tahiri mund të ishte lajm i mirë për Erion Velinë sepse nuk i zë dot vendin e pasardhësit të Kryetarit të PS, ashtu si arrestimi i Sali Berishës për Lulzim Bashën që vetëm në mendjen e një idioti mund të mendohet si fitore dhe gëzim i madh kur të arreston një komunist, ose ashtu siç e trajtoi fitore Belinda Balluku edhe arrestimin e Lali Erit, por, arrestimi krijuesit të të fortit Kryeministër Edi Rama, Ilir Metës, në mënyrën më makabre të mundshme, tregoi se ashtu siç çdo gjë që pjellë maca gjuan minj edhe çka pjellë një komunist do të gjuajë vetëm rivalë politikë; Pikërisht ashtu siç ndodhi me paraardhësit e Edi Ramës, Enver Hoxha, Ramiz Alia e Fatos Nano!
Ndryshe, përrallat me Reformën në Drejtësi do të kishin tjetër kuptim sepse Saimir Tahiri do të akuzohej për trafik ndërkombëtar të drogës dhe lejimin e kanabizimit të Shqipërisë me urdhër të Edi Ramës; Kryetari i Bashkisë Tiranë, Edi Rama do akuzohej për pronën e dhëndrit të Saliut që u lejua nga ai si Kryetar të shndërrohet në pronë ku lejohet ndërtimi, që vetëm atëherë të mund të favorizohet nga Kryeministri Sali Berisha; Llulli do të detyrohej të dal para drejtësisë për të sqaruar demokratët për të gjitha krimet e kryera kundër Partisë Demokratike dhe në interes të Kunatit, përfshirë këtu të gjitha planet e takimeve sekrete me Taon; Lali Eri do të jepte llogari për të gjitha lejet e ndërtimit të dhëna me urdhër të Edi Ramës, si dhe vjedhjet nga parku i vjedhur pranë ETC që u financua nga Raiffeisen Bank me një faturë të turpshme e deri tek organizata e tij kriminale e drejtorëve 5D!
Ndërsa Likja, CEZ-in do ta konsideronte SPA të vjedhjeve të tij, kur do të përgjigjej para drejtësisë për krimet e bëra nga mbyllja e Ambasadës së Kosovës në Tiranë kur ishte Kryeministër e deri tek 21 Janari, për të cilin mori shpërblimin e dhënë me ndërmjetësimin e Beogradit, President i Republikës kriminale të Edi Ramës!
Për situatën e krijuar, padyshim merita të veçanta ka SPAK pa mohuar dhe ato të protagonistëve të tjerë që i ranë në gjunjë Edi Ramës ashtu sikur se Prokuroria e Posaçme, ndryshe nuk do të shikonim sulmet ndaj Opozitës edhe në kulmin e revoltës studentore kundër Kryeministrit Edi Rama, edhe pasi u konsiderua historike dhe e paparë në 35 vjet postkomunizëm!
Sikur mos të ishte Saliu nga Veriu nuk dihet se si do të gërthiste revolta, dhe, pavarësisht dëshirave të tre lebërve komunistë të Edi Ramës që u ngarkuan me detyrën e liderit opozitar, Shehaj, Lapaj e Qorri, për të kërkuar një revoltë pa Opozitë dhe liderin e saj të arrestuar, Sali Berisha nuk shkon në burg jo pse ishte n’burgun të cilin e përcaktoi mosha, “në shtëpi”, por, me Edi Ramën n’Burg sqarohen të gjitha bëmat e kësaj bande kriminale, përkatësisht vendimet e SPAK-ut dhe Saliu përfundon në liri!
Dhe, në këtë katrahurë kombëtare, kur shpresa e vetme e popullit shqiptar po shkon drejt shuarjes, ky popull i vuajtur dhe i vjedhur është edhe me fat sepse tashmë nuk duhet kërkuar fajtorin në popull pse Edi Rama pavarësisht çmimit po qëndron edhe me ndihmën e krimit në fronin e Kryeministrit, sepse ç’thotë Partia nuk bën më Populli, por:
Ç’thotë Edi Rama, bën SPAK-u!
Faleminderit o SPAK që ekziston!
